আজাৰা আৰক্ষীৰ জালত  কুখ্যাত ৫ চোৰ

Kakali Deka January 22, 2025

ডিজিটেল ডেস্ক: আজাৰা অলিয়ে-গলিয়ে চোৰৰ গেং। গেংটোৰ টাৰ্গেট হৈছে গৰু। আজাৰাৰ বিভিন্ন স্থানৰ পৰা নিশা চুৰি হয় হালে হালে গৰু। শংকিত হৈ পৰিছিল আজাৰাবাসী। কিয়নো নিশাৰ ভিতৰতে গোহালি উদং কৰে চোৰে। অত্যাধুনিক মাৰণাস্ত্ৰ লৈ নিশা ঘূৰি ফুৰে চোৰৰ দলটো। ভুক্তভোগী বহু লোকৰ অভিযোগৰ ভিত্তিত আজাৰা আৰক্ষীৰ অভিযানত উৎখাত চুৰি চক্ৰটো।

গোপন খবৰৰ ভিত্তিত এ চি পি নীলোৎপল শইকীয়াৰ নেতৃত্বত চলা অভিযানত গৰুসহ জালত পৰে চোৰকেইটা। গেংটোৰ পৰা আৰক্ষীয়ে ৬ টাকৈ গৰু উদ্ধাৰ কৰাৰ লগতে গ্ৰেপ্তাৰ কৰে ৰূপচান আলী, মহীৰুদ্দিন আলী, আজিদ আলী, আহমদ আলী আৰু ৱাজেদ আলীক। গেংটোৰ পৰা জব্দ কৰে এখন বলেৰ' বাহনো। 

জব্দ কৰা হৈছে চুৰি কাৰ্যত সহায় হোৱাকৈ লৈ অনা স্কুডাইভাৰ, লো কটা সামগ্ৰী, ৰছীকে ধৰি বিভিন্ন সঁজুলি। উল্লেখযোগ্য যে ১৯ জানুৱাৰীত মিৰ্জাপুৰৰ পৰা চুৰি হোৱা গৰু চুৰিতো জড়িত আছিল এই গেঙটো । গেংটোৱে চুৰি কৰি নি ৬ টাকৈ গৰু ৰাখিছিল বকোৰ ৰূপচান আলী নামৰ এজন লোকৰ ঘৰত।

Share This