ঝুমুৰ নৃত্যৰে বিশ্ব অভিলেখ গঢ়াৰ দিশে অসম

Kakali Deka January 27, 2025

ডিজিটেল ডেস্ক: বিহুৰ পাছত এইবাৰ বিশ্ব অভিলেখৰ আন এক পৰিকল্পনা অসম চৰকাৰৰ। ইতিমধ্যে পূৰ্ণগতিত চলিছে প্ৰস্তুতি।২০২৩ চনৰ ১৪ এপ্ৰিলত একেলগে ১০ হাজাৰ নাচনী-ঢুলীয়াই বিহু নাচি বিশ্ব দৰবাৰত বিহুক প্ৰতিষ্ঠা কৰিছিল। একেদৰে এইবাৰ চাহ জনগোষ্ঠী তথা আদিবাসীসকলৰ পৰম্পৰাগত ঝুমুৰ নৃত্যই বিশ্ব অভিলেখ গঢ়াৰ বাবে আগবাঢ়িছে।

ঝুমুৰ নৃত্যক বিশ্ববাসীৰ সৈতে চিনাকি কৰাই দিয়াৰ লগতে এই নৃত্যৰ জৰিয়তে বিশ্ব অভিলেখ গঢ়াৰ লক্ষ্য আগত ৰাখি অসম চৰকাৰে এই সিদ্ধান্ত গ্ৰহণ কৰে। ইতিমধ্যে ৮০০০ শিল্পী সাজু হৈ উঠিছে ঝুমুৰ নৃত্যৰে বিশ্ব অভিলেখ গঢ়াৰ বাবে।

অহা ২৪ ফেব্ৰুৱাৰীত‌ প্ৰধানমন্ত্ৰী নৰেন্দ্ৰ মোদীৰ উপস্থিতিত গুৱাহাটীৰ সৰুসজাই ষ্টেডিয়ামত প্ৰদৰ্শিত হ'ব মেগা ঝুমুৰ নৃত্য।এই নৃত্যৰ জৰিয়তে গীনিজ বুক অব্ ৰেকৰ্ডছত নাম অন্তৰ্ভুক্ত কৰাৰ লক্ষ্য অসম চৰকাৰৰ।উল্লেখযোগ্য যে ১৬ মিনিট ৩২ ছেকেণ্ডৰ এই নৃত্যত ৰাজ্যৰ ৮০০খন চাহ বাগিচাৰ শিল্পী তথা প্ৰতিনিধি থাকিব ।২৪ ফেব্ৰুৱাৰীত‌ এই ঝুমুৰ নৃত্য পৰিৱেশন কৰিব প্ৰায় ৮ হাজাৰ শিল্পীয়ে।

Share This