চিভিল ইঞ্জিনীয়াৰিঙৰ শিক্ষাৰ্থীসকলৰ বাবে এটা সুখবৰ

Kakali Deka January 25, 2025

ডিজিটেল ডেস্ক : অসমত চৰকাৰী  চাকৰি বিচৰা চিভিল ইঞ্জিনীয়াৰিঙৰ শিক্ষাৰ্থীসকলৰ বাবে এটা সুখবৰ আহিছে। অসম লোকসেৱা আয়োগে (APSC) কনিষ্ঠ অভিযন্তা(Junior Engineer, Civil)  পদত নিযুক্তিৰ বাবে এক বিশেষ অধিসূচনা জাৰি কৰিছে। এই নিযুক্তি  অসম চৰকাৰৰ  গড়কাপ্টানী নী বিভাগ (PWRD) আৰু ৰাজহুৱা কাম (বিল্ডিং আৰু ৰাষ্ট্ৰীয় ঘাইপথ) বিভাগৰ (PWD-B&NH) অধীনত কৰা হ'ব।

মুঠ ৬৫০টা খালী পদ পূৰণৰ বাবে আৱেদন বিচৰা হৈছে৷ আৱেদনৰ সময়সীমা ২০২৫ চনৰ ৫ ফেব্ৰুৱাৰীৰ পৰা আৰম্ভ হৈ ৪ মাৰ্চত অন্ত পৰিব। ইচ্ছুক আৰু যোগ্য প্ৰাৰ্থীসকলে অসম লোকসেৱা আয়োগৰ অফিচিয়েল ৱেবছাইট apsc.nic.in ৰ জৰিয়তে অনলাইন আৱেদন কৰিব লাগিব।

এই পদৰ বাবে আৱেদন জনাব বিচৰা প্ৰাৰ্থীৰ বয়স ২০২৫ চনৰ ১ জানুৱাৰীত ন্যূনতম ২১ বছৰ আৰু সৰ্বাধিক ৪০ বছৰ হোৱাটো বাধ্যতামূলক। সংৰক্ষিত শ্ৰেণীৰ প্ৰাৰ্থীৰ বাবে চৰকাৰী নিয়ম অনুসৰি বয়সৰ শিথিলতা প্ৰদান কৰা হ’ব।

আৱেদনৰ প্ৰক্ৰিয়া কেনেকৈ কৰিব-
১. apsc.nic.in ৱেবছাইটলৈ যাওক।
২. হোমপেজত থকা "Latest Updates" অপশ্যনত ক্লিক কৰক।
৩. আৱেদন পত্ৰ শুদ্ধকৈ পূৰণ কৰক।
৪. সকলো তথ্য ভৰাই আৱেদন জমা কৰক।

অসমৰ ৰাজহুৱা কাম বিভাগত চাকৰি কৰিবলৈ ইচ্ছুক চিভিল ইঞ্জিনীয়াৰসকলৰ বাবে এই নিযুক্তি এক বৃহৎ সুযোগ।

Share This