'প্রাগ নিউজ', 'অসম কমিউনিকেশ্যন এণ্ড কেব্ল 'লৈ ৰাষ্ট্ৰীয় বঁটা, নতুন দিল্লীত অনুৰাগ ঠাকুৰৰ পৰা বঁটা গ্রহণ ড° সঞ্জীৱ নাৰায়ণৰ

dainik janambhumi August 09, 2025

ডিজিটেল ডেস্ক : অসমবাসীক গৌৰৱান্বিত কৰি 'প্রাগ নিউজ' আৰু 'অসম কমিউনিকেশ্যন এণ্ড কেবলে' লাভ কৰিছে ৰাষ্ট্ৰীয় বঁটা। 

নতুন দিল্লীত আয়োজিত একাদশ বিচিত্ৰ ৰত্ন বঁটা প্ৰদান অনুষ্ঠানত উত্তৰ-পূবৰ সৰ্বশ্রেষ্ঠ নিউজ চেনেলৰ সন্মান লাভ কৰে প্ৰাগ নিউজে। আনহাতে অসম কমিউনিকেশ্যন এণ্ড কেবলে শ্রেষ্ঠ পাৰফর্মিং ৰিজিঅ'নেল এম এছ অ' (নর্থ-ইষ্ট) বঁটা লাভ কৰে। 

অনুষ্ঠানত সাংসদ অনুৰাগ ঠাকুৰৰ পৰা এই বঁটা গ্ৰহণ কৰে প্ৰাগ নিউজ আৰু অসম কমিউনিকেশ্যন এণ্ড কেব'লৰ স্বত্বাধিকাৰী ড° সঞ্জীৱ নাৰায়ণে। বঁটা লাভ কৰি ড° নাৰায়ণে কয় যে দীর্ঘদিন ধৰি নিষ্ঠা আৰু দায়িত্বসহকাৰে কাম কৰি অহাৰ ফল হৈছে এই বঁটাসমূহ। উত্তৰ-পূৰ্বাঞ্চলেও দেশৰ আন প্ৰান্তৰৰ সমানে সমানে আগবাঢ়ি যোৱাৰ আশা প্রকাশ কৰি তেওঁ লগতে প্ৰাগ নিউজৰ দৰ্শক তথা অসম কমিউনিকেশ্যন এণ্ড কেবলৰ উপভোক্তা আৰু প্রতিষ্ঠান দুটাৰ সৈতে জড়িত প্রতিজন লোককে ধন্যবাদ জ্ঞাপন কৰে।

Share This