শান্তিপূর্ণভাৱে সম্পন্ন ৰাভা হাছং পৰিষদৰ ভোটগ্ৰহণ

dainik janambhumi April 03, 2025

ডিজিটেল ডেস্কঃ ৰাভা হাছং স্বায়ত্তশাসিত পৰিষদৰ নিৰ্বাচনৰ ভোটগ্রহণ প্রক্রিয়া কালি সুকলমে সম্পন্ন হয়। গোৱালপাৰা জিলাৰ ১৯টা পৰিষদীয় সমষ্টিত কালি ভোটগ্রহণ কৰা হয়।

জিলাখনৰ ১৯টা বিধানসভা সমষ্টিত ভোটদানৰ হাৰ ক্ৰমে গোৱালপাৰা জিলাৰ ১ নং ধূপধৰা (অসংৰক্ষিত) পৰিষদীয় সমষ্টিত ৭২%, ২ নং কোথাকুঠি সমষ্টিত ৬৫.৬৯%, ৩ নং ধনুভাঙা (জনজাতি) সমষ্টিত ৭৪.৬০%, ৪ নং ৰংজুলি (মহিলা সংৰক্ষিত) সমষ্টিত ৬৫.৬২%, ৫ নং দৰংগিৰি-কুছধোৱা (জনজাতি) সমষ্টিত ৬৪.০২%, ৬ নং উত্তৰ দুধনৈ (মহিলা সংৰক্ষিত) সমষ্টিত ৭০%, ৭ নং দক্ষিণ দুধনৈ (জনজাতি) পৰিষদীয় সমষ্টিত ৬৮.৬৯%, ৮ নং বান্দর্ষি (জনজাতি সংৰক্ষিত) সমষ্টিত ৬৪.১৪%, ৯ নং মাজজাখেলি (অসংৰক্ষিত) সমষ্টিত ৭৪.৩৮%, ১০ নং শালপাৰা (অসংৰক্ষিত) সমষ্টিত ৭৪.৯৪%, ১১ নং হাব্রাঘাট (অসংৰক্ষিত) সমষ্টিত ৬২.৩৪%, ১২ নং ডির্মাজাখেলি (জনজাতি) সমষ্টিত ৬৭.০২%, ১৩ নং পূব অজগৰ (জনজাতি মহিলা) পৰিষদীয় সমষ্টিত ৫৫.৬৯%, ১৪ নং জিনাৰি (জনজাতি) সমষ্টিত ৬৫.৪৬%, ১৫ নং আগিয়া সাধাৰণ পৰিষদীয় সমষ্টিত ৬৬.৪০%, ১৬ নং দ্বাৰকা (জনজাতি) সমষ্টিত ৭৭.১৭%, ১৭ নং বৰদামাল-কল্যাণপুৰ (জনজাতি) সমষ্টিত ৭৫.৮৫%, ১৮ নং দাৰিদুৰী (জনজাতি) সমষ্টিত ৮০.৩৫% আৰু ১৯ নং দদান (জনজাতি) সমষ্টিত ভোটদানৰ হাৰ ৭৭.০৮%। সামগ্রিকভাৱে গোৱালপাৰা জিলাত ভোটদানৰ হাৰ ৬৯.০৮%।  

বুধবাৰে ভোটদানৰ প্ৰক্ৰিয়া সুকলমে সমাপ্ত হোৱাৰ লগে লগে ১৯টা সমষ্টিৰ ৫৩গৰাকী প্রতিদ্বন্দ্বী প্রার্থীৰ ভাগ্য বেলট বাকচত আবদ্ধ হৈ পৰে। অহা চাৰি এপ্ৰিলত ভোটগণনা কৰা হ'ব। উল্লেখযোগ্য যে জিলাখনৰ ২০ নং জয়ৰামকুছি সমষ্টিত বিজেপিৰ প্ৰাৰ্থী বিনা প্রতিদ্বন্দ্বিতাৰে নিৰ্বাচিত হোৱাত ১৯টা সমষ্টিৰ বাবে ভোটগ্রহণ অনুষ্ঠিত হয়। ইফালে, গোৱালপাৰা জিলাত ৩৬২টা কেন্দ্রতো কালি শান্তিপূর্ণভাৱে ভোটগ্রহণ সম্পন্ন হয়।

Share This