সামাজিক মাধ্যমো সমাজৰ জাগ্রত প্ৰহৰী..

Digital desk July 15, 2024

ডিজিটেল ডেস্কঃ ফে'চবুক, টুইটাৰ আদিৰ দৰে প্ৰযুক্তিগত সামাজিক মাধ্যমসমূহ ব্যক্তিগত মতামত ৰাজহুৱাকৈ জনোৱাৰ এক সুলভ-সহজ মাধ্যম। জনপ্ৰিয়তাৰ শীৰ্ষত থকা এনে মাধ্যমসমূহে সম্প্রতি কিছু কিছু ক্ষেত্ৰত ধনাত্মক জনমত গঢ়ি তোলাৰ এক 
শক্তিশালী মাধ্যম হিচাপে সক্রিয় হোৱা দেখা গৈছে।

আমাৰ ৰাজ্যৰ প্ৰসংগত ক'বলৈ হ'লে শেহতীয়াকৈ ঐতিহাসিক চৰিত্ৰ লাচিত বৰফুকনৰ পোছাকৰ বিতৰ্কই হওক বা চাকৰিৰ ক্ষেত্ৰত PRC প্রয়োজনীয়তাৰ সম্পৰ্কতেই হওক, এনে সামাজিক মাধ্যমত জনগণে প্ৰকাশ কৰাৰ মতামতৰ ভিত্তিতেই যে সংশ্লিষ্ট কর্তৃপক্ষই সিদ্ধান্ত সলনি কৰিছে, সেয়া সত্য। 

গণতন্ত্ৰৰ চতুৰ্থ স্তম্ভত যিদৰে সংবাদ মাধ্যমক ৰখা হয়, হয়তো আগত কালত প্রযুক্তিগত সামাজিক মাধ্যমক গণতন্ত্ৰৰ পঞ্চম স্তম্ভ বুলি অভিহিত কৰা হ'ব। যা হওক প্রযুক্তিগত সামাজিক মাধ্যমসমূহো আজি গণতন্ত্ৰৰ জাগ্ৰত প্ৰহৰী। চৰকাৰী পক্ষয়ো ইয়াৰ মাধ্যমেৰে প্ৰকাশিত ৰাইজৰ মতামতক সময়ে সময়ে সন্মান জনোৱা পৰিলক্ষিত হৈছে। সেয়েহে জনগণয়ো একোটা বিষয়ৰওপৰত প্ৰযুক্তিগত সামাজিক মাধ্যমত কোনো মত প্ৰকাশৰ সময়ত ৰাইজ সজাগ-সচেতন হোৱাটো এক অতি দৰকাৰী কথা।

Share This