প্ৰাগজ্যোতিষপুৰ আৰু পানীখাইতী আৰক্ষীৰ বৃহৎ সাফল্য

Kakali Deka March 27, 2025

ডিজিটেল ডেস্কঃ প্ৰাগজ্যোতিষপুৰ আৰু পানীখাইতী আৰক্ষীৰ বৃহৎ সাফল্য। বৃহৎ পৰিমাণৰ বিভিন্ন চুৰি সামগ্ৰী উদ্ধাৰ আৰু দুজনক গ্ৰেপ্তাৰ।
আৰক্ষীয়ে বোন্দাৰ ফৰেষ্টগে'টৰ হৰি থাপা আৰু আমগাঁৱৰ ফৰমান আলীক গ্ৰেপ্তাৰ কৰিছে।

জানিব পৰা মতে এক গোপন সূত্ৰৰ পমখেদি ACP বৰকিৰি টেৰণৰ নেতৃত্বত কালি নিশা প্ৰাগজ্যোতিষপুৰ আৰু পানীখাইতী আৰক্ষীৰ বৃহৎ দল এটাই আমগাঁৱৰ ফৰমান আলীৰ ডেম্প'ত অভিযান চলায়।

এই অভিযানত ডেম্প'টোৰ পৰা মুখ্যমন্ত্ৰী বিশেষ আঁচনিৰ জৰিয়তে শিক্ষা বিভাগে ছাত্ৰ-ছাত্ৰীসকলক প্ৰদান কৰা ৫খন নতুন চাইকেল, ২খন মটৰচাইকেল, ৩৩০০কেজি PVC ৱেৰ, এলুমনিয়াম তাঁৰ, কপাৰ তাঁৰ, তিনিটা কাটিং মেচিন, গাড়ীৰ বেটাৰী আদিকে কৰি বৃহৎ পৰিমাণৰ চুৰি সামগ্ৰী উদ্ধাৰ কৰে ।

উল্লেখযোগ্য যে এটা পানী মটৰ চুৰি সন্দৰ্ভত আৰক্ষী বোন্দাৰ হৰি থাপা নামৰ চোৰজনক আটক কৰাৰ পিছত আৰক্ষীয়ে আমগাঁৱৰ ডেম্প' এটাত অভিযান চলায় আৰু ডেম্পটোৰ পৰা এই বৃহৎ পৰিমাণৰ চুৰি সামগ্ৰীখিনি জব্দ কৰাৰ লগতে ডেম্প'টোৰ মালিক ফৰমান আলীক গ্ৰেপ্তাৰ কৰে।

 

 

উৎস প্ৰাগ নিউজ ডিজিটেল

Share This