ৰাজ্যৰ ৮ জিলাত হ’ব বৰষুণ।বতৰ বিজ্ঞান বিভাগে দিলে ডাঙৰ সতৰ্কবাণী

Kakali Deka January 24, 2025

ডিজিটেল ডেস্ক :ৰাজ্যত পুনৰ বতৰে সলাইছে ৰূপ। পুৱাৰে পৰা ৰাজ্যৰ ভিন্নপ্ৰান্তত ঘন কুঁৱলীৰ আচ্ছাদন। নেদেখা হৈ পৰিছে বাট-পথ।কুঁৱলীৰ বাবে ৰাজ্যত হঠাৎ নামিছে প্ৰচণ্ড শীত।ইয়াৰ মাজতে বতৰ বিজ্ঞান বিভাগে দিয়ে এক সতৰ্কবাণী। ৰাজ্যৰ ১৬খন জিলাত বতৰ বিজ্ঞান বিভাগে Yellow Alert জাৰি কৰিছে। আৰু ৮ খন জিলাত ২৪ জানুৱাৰী, অৰ্থাৎ আজি বৰষুণ হোৱাৰ সম্ভাৱনা জাৰি কৰিছে বতৰ বিজ্ঞান বিভাগে।

কোকৰাঝাৰ, ধুবুৰী, দক্ষিণ শালমাৰা, গোৱালাপাৰা, নগাঁও, পশ্চিম কাৰ্বি আংলং, হোজাই, কাৰ্বি আংলং, হাইলাকান্দি, শ্ৰীভূমি,মাজুলী, যোৰহাট, শিৱসাগৰ, চৰাইদেউ, ডিব্ৰুগড় আৰু তিনিচুকীয়া জিলাত বতৰ বিজ্ঞান বিভাগে Yellow Alert জাৰি কৰিছে।

বতৰ বিজ্ঞান বিভাগে Yellow Alert জাৰি কৰা জিলাসমূহত ঘন কুঁৱলীয়ে আগুৰি থকাৰ সম্ভাৱনা আছে।মাজুলী, লখিমপুৰ, ধেমাজি, তিনিচুকীয়া, ডিব্ৰুগড়, চৰাইদেউ, শিৱসাগৰ আৰু যোৰহাট জিলাত কাইলৈ বতৰ বিজ্ঞান বিভাগে Yellow Alert জাৰি কৰিছে।

ইফালে ঘন কুঁৱলীৰ বাবে ব্যাহত হৈ পৰিছে বিমান, ৰে’লৰ লগতে ফেৰী চলাচল। গুৱাহাটীত বাতিল কৰা হৈছে কেইবাখনো বিমানৰ যাত্ৰা। বাতিল কৰা হৈছে দিল্লী-গুৱাহাটী বিমান।লগতে বাতিল কৰা হৈছে মুম্বাই-গুৱাহাটী ইণ্ডিগ’ বিমান। বাতিল হৈছে বেংগালুৰু-গুৱাহাটী বিমানো।

Share This