শীতকালত তেঁতেলি খালে লাভ কৰিব পাৰি বহু উপকাৰ

Kakali Deka January 23, 2025

ডিজিটেল ডেস্কঃ শীতকালত হৃদযন্ত্ৰৰ লগত জড়িত সমস্যাৰ আশংকা বৃদ্ধি পায়। বিশেষকৈ হার্ট এটেকৰ ঘটনা এই ঋতুত বেছিকৈ দেখা যায়। কিন্তু আয়ুর্বেদ বিশেষজ্ঞসকলে কয় যে টেঙা-মিঠা তেঁতেলিয়ে শীতকালত হৃদযন্ত্ৰৰ স্বাস্থ্যৰ যত্ন লোৱাত সহায় কৰিব পাৰে। ইয়াৰ উপৰি তেঁতেলিয়ে ৰোগ প্ৰতিৰোধ ক্ষমতা শক্তিশালী কৰাই নহয়, কেঞ্চাৰ প্ৰতিৰোধৰ ক্ষেত্রতো ফলপ্রসূভাৱে কাম কৰে।

উত্তৰ প্ৰদেশৰ হৰদয়ত অৱস্থিত শতায়ু আয়ুর্বেদ আৰু পঞ্চকৰ্ম কেন্দ্ৰৰ মুৰব্বী ডাঃ অমিত কুমাৰৰ মতে তেঁতেলিত কলেষ্টৰেল হ্ৰাস কৰা গুণ আছে। শীতকালত কলেষ্টৰেলৰ মাত্ৰা বৃদ্ধিৰ বাবে শিৰা বন্ধ হোৱাৰ আশংকা থাকে, যাৰ ফলত হাৰ্ট এটেকৰ সম্ভাৱনা বৃদ্ধি পায়। কিন্তু তেঁতেলি সেৱন কৰিলে কলেষ্টৰেল কমাব পাৰি।

তেঁতেলিয়ে ৰোগ প্ৰতিৰোধ ক্ষমতা শক্তিশালী কৰেঃ

ডাঃ অমিত কুমাৰে বুজাইছে যে তেঁতেলিত থকা এণ্টিঅক্সিডেণ্ট আৰু ফ্লেভন'ইডে আমাৰ শৰীৰৰ ৰোগ প্ৰতিৰোধ ক্ষমতা বৃদ্ধি কৰে।এণ্টিঅক্সিডেণ্টবোৰে শৰীৰত উপস্থিত ফ্রী ৰেডিকেলৰ বিৰুদ্ধে যুঁজ দিয়ে আৰু অক্সিডেটিভ ক্ষতি হ্রাস কৰে। ইয়াৰ বাবে শৰীৰৰ কোষবোৰ সুৰক্ষিত হৈ থাকে আৰু কেঞ্চাৰৰ দৰে গুৰুতৰ ৰোগৰ সম্ভাৱনাও কমি যায়।

 

তেঁতেলিয়ে আপোনাৰ হৃদযন্ত্ৰ সুস্থ কৰি ৰাখেঃ

তেঁতেলিত ফ্লেভন'ইড থাকে, যিয়ে বেয়া কলেষ্টৰেল হ্ৰাস কৰি সিৰা পৰিষ্কাৰ কৰি ৰখাত সহায় কৰে। ইয়াৰ ফলত হার্ট এটেকৰ সম্ভাৱনা কম হয়। ইয়াৰ উপৰি তেঁতেলিয়ে প্রদাহ কমায়, যিটো শৰীৰৰ ৰোগ প্ৰতিৰোধ ক্ষমতা বৃদ্ধিৰ বাবে প্ৰয়োজনীয়।

 

তেঁতেলিয়ে পাচনতন্ত্র উন্নত কৰেঃ

ডাঃ অমিত কুমাৰে কয় যে তেঁতেলি পাচনতন্ত্ৰৰ বাবেও উপকাৰী। ইয়াত পোৱা এচিডে হজম শক্তি উন্নত কৰে। তেঁতেলি সেৱনে পেটৰ সমস্যা যেনে কোষ্ঠকাঠিন্য, ডায়েৰিয়া আৰু পেটৰ বিষৰ সকাহ দিয়ে।

 

ওজন কমাবলৈ তেঁতেলিয়ে সহায় কৰেঃ

তেঁতেলি প্ৰচুৰ পৰিমাণে আঁহযুক্ত আৰু কম কেলৰিযুক্ত, যাৰ ফলত ই ওজন কমোৱাত সহায় কৰে। ইয়াৰ উপৰি ইয়াত থকা এমিনো এচিডে শৰীৰৰ কলাবোৰক শক্তিশালী কৰাৰ কাম কৰে।

 

তেঁতেলি কেনেকৈ সেৱন কৰিব?

তেঁতেলি চাটনি, চর্বত বা চুপত ব্যৱহাৰ কৰিব পাৰি। ইচ্ছা কৰিলে পোনপটীয়াকৈও খাব পাৰে। কিন্তু মনত ৰাখিব যে ইয়াক অতিৰিক্ত পৰিমাণে সেৱন নকৰিব।

 

বিঃ দ্রঃ- প্রিয় পাঠক, আমাৰ বাতৰি পঢ়াৰ বাবে ধন্যবাদ। এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে। এইখিনি লিখিবলৈ আমি সাধাৰণ তথ্যৰ সহায় লৈছোঁ। যদি আপুনি যিকোনো ঠাইতে আপোনাৰ স্বাস্থ্যৰ সৈতে জড়িত কিবা পঢ়ে, তেন্তে গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ লওক।

Share This