ওজন হ্ৰাসৰ বাবে মহৌষধ কিচমিচৰ পানী! খাওক এনেদৰে

Kakali Deka August 18, 2023

ডিজিটেল ডেস্কঃ কিচমিচ এবিধ উকৃষ্ট শুকান ফল। কিচমিচ তিয়াই থোৱা পানী খালে মানুহৰ শৰীৰে বহু উপকাৰ লাভ কৰে। তিয়াই থোৱা কিচমিচত থকা ভিটামিন, খনিজ পদাৰ্থ, আঁহ আদি সকলোবোৰেই আমাৰ স্বাস্থ্যৰ বাবে বিভিন্ন ধৰণে উপকাৰ সাধন কৰে। কিচমিচত প্ৰচুৰ পৰিমাণে এণ্টিঅক্সিডেণ্ট থাকে যিয়ে আপোনাৰ কোষক বিপজ্জনক পদাৰ্থৰ পৰা ৰক্ষা কৰে।

কিচমিচত ফেৰুলিক এচিড, ৰুটিন, কুৱেৰচেটিন, ট্ৰেন্স-কেফটাৰিক এচিড আটাইবোৰেই অতি প্ৰচুৰ পৰিমাণে পোৱা যায়। এণ্টিঅক্সিডেণ্ট সুস্বাস্থ্যৰ বাবে অপৰিহাৰ্য আৰু ই এলঝেইমাৰ ৰোগ, টাইপ ২ ডায়েবেটিছ, কেন্সাৰকে ধৰি দীৰ্ঘম্যাদী ৰোগৰ পৰা সুৰক্ষা দিব পাৰে। কিচমিচত থকা খনিজ পদাৰ্থৰ ৰক্তকণিকাৰ বিকাশ আৰু অক্সিজেন পৰিবহণত ভূমিকা আছে। দৈনিক কিচমিচৰ পানী খালে স্বাস্থ্যৰ উন্নত অৱস্থা বৃদ্ধি কৰিব পাৰে।

কিচমিচৰ পানী কেনেকৈ বনাব

কিচমিচৰ পানী খোৱাৰ স্বাস্থ্যৰ উপকাৰিতাৰ বিষয়ে আলোচনা কৰাৰ আগতে প্ৰথমে কিচমিচৰ পানী কেনেকৈ বনাব লাগে সেই বিষয়ে শিকিব লাগিব। তিয়াই থোৱা কিচমিচে তেজৰ চেনিৰ মাত্ৰা নিয়ন্ত্ৰণ কৰাত সহায় কৰিব পাৰে। ইয়াৰ উপৰিও মানুহৰ ওজন কমোৱাত সহায় কৰে। ইহঁতে চেনিৰ বিকল্প হিচাপে কাম কৰে আৰু ইয়াক ভিন্ন খাদ্যত ব্যৱহাৰ কৰিব পাৰি। কিচমিচৰ পানী কেনেকৈ প্ৰস্তুত কৰিব পাৰি জানো আহক।

দুকাপ পানী দি উতলিবলৈ দিব। ১৫ৰ পৰা ৩০টা কিচমিচ দিব, তাৰ পিছত গোটেই ৰাতি তিয়াই থ’ব দিব। পানী গৰম কৰি ৰাতিপুৱা চেকি লওক। এই কিচমিচ পানী প্ৰথমে ৰাতিপুৱা খাব। কিচমিচ পানী খোৱাৰ পাছত যিকোনো বস্তু খোৱাৰ আগতে ৩০ মিনিট অপেক্ষা কৰাটো ভাল।

কিচমিচ পানীৰ উপকাৰ

ওজন হ্ৰাসৰ বাবে ডায়েট প্লেন মানি চলাৰ অন্যতম ডাঙৰ প্ৰত্যাহ্বান হ’ল খাদ্যৰ প্ৰতি আকৰ্ষণ। যিহেতু আপুনি আপোনাৰ খাদ্যত কেলৰিৰ সংখ্যা বহু পৰিমাণে হ্ৰাস কৰে, সেয়েহে ভোক অনুভৱ কৰাটো স্বাভাৱিক। কিচমিচৰ পানী পুৱাতেই খালে ওজন নিয়ন্ত্ৰণ হয়।

যিহেতু কিচমিচৰ পানী এণ্টিঅক্সিডেণ্টৰে গঠিত, সেয়েহে ই আপোনাৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে আৰু কেইবাটাও ৰোগ প্ৰতিৰোধ কৰে। যিহেতু ই আন্ত্ৰিক স্বাস্থ্য উন্নত কৰাত সহায় কৰে, সেয়েহে ই ৰোগ প্ৰতিৰোধ ক্ষমতাও উন্নত কৰে।

যদি আপুনি পেটৰ এচিডৰ সৈতে সংগ্ৰাম কৰি আছে তেন্তে কিচমিচ পানী হব পাৰে আপোনাৰ বাবে উত্তম উপায়। ইয়াৰ এণ্টি-ইনফ্লেমেটৰী গুণ আছে যিয়ে অন্ত্ৰৰ কাৰ্য্যক্ষমতা উন্নত কৰে আৰু আন্ত্ৰিক অংশ নিয়ন্ত্ৰণ কৰে। ফলস্বৰূপে কিচমিচৰ পানী আপোনাৰ পাচনতন্ত্ৰৰ বাবে সঁচাকৈয়ে ভাল হৈ পৰে।

কিচমিচ পানী খালে শৰীৰৰ পৰা বিষাক্ত পদাৰ্থ আঁতৰাই তেজ বিশুদ্ধ কৰাত সহায় কৰে। এই পানী কমেও এসপ্তাহ খালে আপোনাৰ লিভাৰ পৰিষ্কাৰ কৰাত সহায়ক হ’ব আৰু ইয়াৰ কাৰ্য্যক্ষমতা বৃদ্ধি পাব, যাৰ ফলত আপোনাৰ হৃদৰোগৰ সম্ভাৱনাও হ্ৰাস পাব।

কিচমিচৰ পানীয়ে অতিৰিক্ত কেলৰি ৰোধ কৰাত সহায় কৰে আৰু সুষম খাদ্য গ্ৰহণৰ ক্ষেত্ৰত সহায় কৰে। ইয়াত ফ্ৰুক্ট’জ আৰু গ্লুক’জ আদি প্ৰাকৃতিক চেনি থাকে যিয়ে পৰ্যাপ্ত শক্তি প্ৰদান কৰে। গতিকে, যিসকল লোকে ওজন কমাব বিচাৰে তেওঁলোকে ৰাতিপুৱা কিচমিচৰ পানী খোৱাটো উচিত।