পহিলা এপ্ৰিলৰ দিনাই আহিল দুখবৰ, আজিৰে পৰা প্ৰায় ৮০০ বিধ ঔষধৰ মূল্যবৃদ্ধি

Rashmi April 01, 2025

ডিজিটেল ডেস্ক : মুল্যবৃদ্ধিয়ে জুৰুলা কৰিছে জনতাক। অত্যাৱশ্যকীয় সামগ্ৰীৰ মূল্যবৃদ্ধিৰ পাছত এইবাৰ পুনৰ ঔষধৰ মূল্যবৃদ্ধিয়ে জলাকলা খুৱাব লৈছে ৰাইজক। পুনৰ জনতাৰ ওপৰত মাধমাৰ। কিয়নো আজি অৰ্থাৎ ১ এপ্ৰিলৰ পৰা বৃদ্ধি পালে প্ৰায় ৮০০ বিধ অত্যাৱশ্যকীয় ঔষধৰ মূল্য। 

কিন্তু কি কি ৰোগৰ ঔষধৰ মূল্য বৃদ্ধি পালে জানো আহক। উল্লেখযোগ্য যে ৰাষ্ট্ৰীয় ঔষধ মূল্য নিৰ্ধাৰণ কৰ্তৃপক্ষই ১ এপ্ৰিল, অৰ্থাৎ আজিৰে পৰা কৰ্কট ৰোগ, মধুমেহ, হৃদৰোগ, এন্টিবায়টিক আদিৰ দৰে অত্যাৱশ্যকীয় ঔষধৰ মূল্য বৃদ্ধি কৰাৰ সিদ্ধান্ত গ্ৰহণ কৰে। 

সেই অনুসৰি এই ঔষধৰ দাম ১.৭৪ শতাংশ পৰ্যন্ত বৃদ্ধি পায়। কেঞ্চাৰ, ডায়েবেটিছ, হৃদৰোগ আৰু এন্টিবায়টিকৰ দৰে অত্যাৱশ্যকীয় ঔষধৰ দাম ১.৭% পৰ্যন্ত বৃদ্ধি পায়। জানিব পৰা মতে মুদ্ৰাস্ফীতি ভিত্তিক মূল্য পুনৰীক্ষণৰ বাবে ঔষধৰ দাম বৃদ্ধি কৰা হৈছে।

Share This