বিহাৰত অন্তর্ধান ৪১.৬৪ লাখ ভোটাৰ

dainik janambhumi July 21, 2025

ডিজিটেল ডেস্কঃ বিহাৰত নির্বাচন আয়োগে চলাই থকা বিশেষ ব্যাপক ভোটাৰ তালিকা সংশোধনৰ প্রক্রিয়াত ন ন তথ্য পোহৰলৈ আহিছে। শনিবাৰে নিৰ্বাচন আয়োগে প্রকাশ কৰা তথ্য অনুসৰি, বিহাৰত নিৰ্বাচন আয়োগে চলোৱা অভিযানত ৪১.৬৪ লাখ ভোটাৰক তেওঁলোকৰ নিজা ঠিকনাত বিচাৰি পোৱা নাই। 

অর্থাৎ সেই বৃহৎ সংখ্যক লোক বিহাৰৰ পৰা অন্তর্ধান হৈ আছে আৰু আনহাতে কেৱল ৩২.২৩ লাখ লোকেহে এতিয়ালৈকে ভোটাৰৰ প্ৰ-পত্ৰ সংগ্ৰহ কৰিবলৈ বাকী আছে। 

উল্লেখযোগ্য যে নির্বাচনী বিধি প্ৰক্ৰিয়াৰ অংশ হিচাপে ভাৰতৰ নির্বাচন আয়োগে বিহাৰত বিশেষ ব্যাপক ভোটাৰ তালিকা সংশোধনৰ প্ৰক্ৰিয়া আৰম্ভ কৰিছিল আৰু ২৫ জুলাইত এই প্রক্রিয়া অন্ত পৰিব। শনিবাৰে নিৰ্বাচন আয়োগে প্রকাশ কৰে যে আয়োগে বাকী থকা ৩২ লাখ লোকক খছৰা ভোটাৰ তালিকাত অন্তর্ভুক্ত কৰাৰ সম্ভৱপৰ সকলো ব্যৱস্থা লৈ আছে।

Share This