ক'লা তিলৰ উপকাৰিতা জানো আহক

Kakali Deka February 12, 2025

ডিজিটেল ডেস্ক: চুলিৰ যত্নৰ বাবে আমি নামী-দামী সামগ্ৰী ব্যৱহাৰ কৰোঁ ঠিকেই, কিন্তু সেইসমূহে আমাৰ চুলিৰ সমস্যা সমাধান কৰাৰ বিপৰীতে বৃদ্ধিহে কৰে। সেয়েহে, চুলিৰ যত্নত সদায় প্ৰাকৃতিক সামগ্ৰী ব্যৱহাৰ কৰিব লাগে। চুলিৰ সমস্যাত ঔষধৰ দৰে কাম কৰা এবিধ প্ৰাকৃতিক উপাদান হৈছে ক'লা তিল। কেৱল খাদ্যৰ সোৱাদ বৃদ্ধি কৰাই নহয়, তিল আপোনাৰ চুলিৰ বাবেও যথেষ্ট উপকাৰী। ক'লা তিলৰ পানীত বহুতো পুষ্টি থাকে, যি চুলি শক্তিশালী, উজ্জ্বল আৰু স্বাস্থ্যৱান কৰি ৰাখে।
 আজি এই বিষয়ে জানো আহক-

ক'লা তিলত থকা এণ্টিঅক্সিডেণ্টবোৰে চুলিৰ গুৰি শক্তিশালী কৰাত এক গুৰুত্বপূৰ্ণ ভূমিকা পালন কৰে। যেতিয়া আপুনি ক'লা তিলৰ পানীৰে চুলি ধুব, ই চুলিৰ গুৰি শক্তিশালী কৰে আৰু চুলি সৰা সমস্যা হ্ৰাস কৰে। ইয়াৰ কাৰণ হৈছে তিলপানীত থকা অত্যাৱশ্যকীয় পুষ্টি, যিয়ে চুলিৰ বিকাশত সহায় কৰে আৰু চুলিৰ গুৰি শক্তিশালী কৰি ৰাখে।

চুলিৰ স্বাস্থ্যৰ বাবে ভাল ৰক্ত সঞ্চালনৰ প্ৰয়োজন। ক'লা তিলৰ পানীৰে চুলি ধোৱাৰ ফলত মূৰৰ ছালৰ পেশী শিথিল হয়, যিয়ে তেজৰ প্ৰৱাহ উন্নত কৰে। উন্নত ৰক্ত সঞ্চালনৰ ফলত মূৰৰ ছালে পুষ্টি লাভ কৰে, যিয়ে চুলিৰ বিকাশ উন্নত কৰে আৰু চুলি সৰা প্ৰতিহত কৰে।

বয়স বৃদ্ধিৰ ফলত চুলি পকাটো একেবাৰেই স্বাভাৱিক। কিন্তু আজিকালি খুব কম বয়সতে চুলি পকিবলৈ ধৰে। কিন্তু ক'লা তিলৰ পানীয়ে চুলি ধুলে ই প্ৰাকৃতিকভাৱে চুলি ক'লা কৰি ৰখাত সহায় কৰে। ক'লা তিলত ৰঞ্জক থাকে, যি চুলিৰ প্ৰাকৃতিক ৰং বজাই ৰখাত সহায়ক হয়।

চুলিৰ স্বাস্থ্যকৰ বিকাশৰ বাবেও ক'লা তিলৰ পানী যথেষ্ট উপকাৰী। ইয়াৰ ব্যৱহাৰে চুলিৰ গুৰি শক্তিশালী কৰে, চুলিৰ ফলিকলবোৰ স্বাস্থ্যৱান ৰাখে আৰু চুলিৰ বিকাশ ত্বৰান্বিত কৰে। ক'লা তিলৰ পানীয়ে চুলিৰ পুষ্টি প্ৰদান কৰে, যি চুলিৰ বিকাশ তিনি গুণ বৃদ্ধি কৰিব পাৰে।

অলপ ক'লা তিল এক ৰাতিৰ বাবে পানীত তিয়াই থ'ব। পিছদিনা, তিলখিনি চেকনীৰে চেকি পানীখিনি পৃথক কৰিব।প্ৰথমে এই পানীৰে চুলিখিনি ভালদৰে মালিচ কৰিব আৰু কিছু সময়ৰ এইদৰে থৈ দিব আৰু‌ পাছত পৰিষ্কাৰ পানীৰে চুলিখিনি ধুই পেলাব।

(এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আপুনি এই পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত, সেয়েহে আপুনি আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

Share This