শীতকালত দৈ খাব লাগে নে নালাগে

Rashmi February 10, 2025

ডিজিটেল ডেস্ক: দৈ বা দৈ-গাখীৰৰ লগত অসমীয়াৰ সম্পৰ্ক অতি গাঢ় আৰু চিনাকি পুৰণিকলীয়া । ইয়াৰ ব্যৱহাৰৰ ক্ষেত্ৰত অসমীয়াসকল অতি আগৰণুৱা আৰু প্ৰস্তুতিৰ ক্ষেত্ৰত অতি সিদ্ধহস্ত । কিন্তু শীতকালত দৈ খাব লাগে নে নাই? এই বিষয়টোক লৈ প্ৰায়ে চৰ্চা চলি থাকে। সুস্থ শৰীৰৰ অধিকাৰী হ’বলৈ দৈ খোৱাটো অত্যন্ত জৰুৰী ৷শীতকালত দৈ খোৱাক লৈ বহু লোকেই বিভ্ৰান্তিত পৰে ৷

আয়ুৰ্বেদত দৈক গৰম খাদ্য বুলি গণ্য কৰা হয় ৷ শীতকালত দৈয়ে শৰীৰক উপকৃত কৰিব পাৰে ৷এই সময়ছোৱাত দৈয়ে শৰীৰক তাপ প্ৰদান কৰাৰ লগতে ৰোগ প্ৰতিৰোধ ক্ষমতা বৃদ্ধি কৰে ৷সেয়ে শীতকালত দৈ খোৱাটো স্বাস্থ্যৰ বাবে‌ উত্তম বুলি কোৱা হয়।শীতকালত প্ৰতিদিনে দৈ খালে শৰীৰত কেনেধৰণৰ প্ৰভাৱ পৰে।দৈত ভাল বেক্টেৰিয়া, ভিটামিন, প্ৰটিন, মেগনেছিয়াম, কেলচিয়াম আৰু পটাছিয়াম প্ৰচুৰ পৰিমাণে থাকে। সেইবাবেই প্ৰতিটো ঋতুতে ই স্বাস্থ্যৰ বাবে উপকাৰী।জানো আহকশীতকালত প্ৰতিদিনে দৈ খালে শৰীৰত কেনেধৰণৰ প্ৰভাৱ পৰে। 

ওজন হ্ৰাস- দৈত উচ্চ পৰিমাণৰ প্ৰ'টিন থাকে, যিয়ে ভোক নিয়ন্ত্ৰণ কৰাত সহায় কৰে আৰু দীঘলীয়া সময়ৰ বাবে পেটটো ভৰ্তি অনুভৱ কৰায় ৷ তদুপৰি, দৈত কেলৰি কম থাকে, যাৰ ফলত ই ওজন হ্ৰাসৰ বাবে আদৰ্শ আহাৰ হয় ৷

হাড় আৰু দাঁত শক্তিশালী - দৈ হৈছে কেলচিয়াম আৰু ভিটামিন ডি-ৰ এক উৎকৃষ্ট উৎস, যিয়ে হাড় শক্তিশালী কৰে ৷আৰু হাড়ৰ অন্যান্য সমস্যাৰ পৰা উপশম পোৱা যায় ৷ লগতে ই দাঁতৰ শক্তি আৰু সুৰক্ষাৰ বাবেও অত্যন্ত লাভজনক।

হজম উন্নত কৰে- দৈত থকা প্ৰ'বায়োটিক্সে পাচন তন্ত্ৰ স্বাস্থ্যৱান ৰাখে। প্ৰ'বায়োটিক্সে ক্ষতিকাৰক বেক্টেৰিয়া আঁতৰ কৰি হজম উন্নত কৰে ৷ ইয়াৰ ব্যৱহাৰে কৌষ্ঠকাঠিন্য, গেছ, বদহজম আৰু এচিডিটিৰ দৰে সমস্যাৰ পৰা সকাহ দিয়ে ৷ 

ছালৰ উজ্জ্বলতা বৃদ্ধি - নিয়মীয়াকৈ দৈ খালে ছালৰ উজ্জ্বলতা বৃদ্ধি পায়।লগতে আপুনি দৈ ফেচ মাক্স হিচাপেও মুখত ব্যৱহাৰ কৰিব পাৰে।

কলেষ্টেৰল হ্ৰাস- দৈৰ নিয়মীয়া ব্যৱহাৰে কলেষ্টেৰল হ্ৰাস কৰে। যি হৃদযন্ত্ৰ সম্পৰ্কীয় সমস্যা হ্ৰাস কৰে লগতে ৰক্তচাপ স্বাভাৱিক কৰে।

দৈ খোৱাৰ সঠিক সময় কি - দৈ ৰাতি খাব নালাগে আৰু ইয়াক গৰম কৰি নাখাব।তদুপৰি, দৈ নিমখ, গাখীৰ, মাছ, ঘিউ আৰু মৌৰ সৈতে মিহলি কৰি খাব নালাগে। খাদ্যৰ লগত বা শেষত দৈ খোৱাৰ পৰিৱৰ্তে খাদ্য খোৱাৰ আগতে দৈ সেৱন কৰিলেই সৰ্বোত্তম উপকাৰ পোৱা যায়। দৈ ঠাণ্ডা প্ৰকৃতিৰ যদিও শীতকালত সেৱন কৰিব পাৰি। মাত্ৰ মৌৰ সৈতে দৈ মিহলাই লওক, আৰু ক’লা জলকীয়া বা পোৰা জিৰাৰ গুড়িৰ দৰে মছলা মিহলাই লওক। তেতিয়া আৰু চৰ্দি ধৰাৰ ভয় নাথাকিব। দৈয়ে শীতকালত শক্তিৰ ভাৰসাম্য ৰক্ষা কৰে।

Share This