'আপুনি দেশৰ সীমান্তত সেৱা কৰক, আপোনাৰ পৰিয়ালৰ যতন ল'ম আমি'

dainik janambhumi July 27, 2025

ডিজিটেল ডেস্কঃ ভাৰতৰ ইতিহাসত প্ৰথমবাৰৰ বাবে সেনাৰ জোৱানসকলৰ পৰিয়ালৰ বাবে সক্রিয়ভাৱে আইনী সাহায্য ঘৰতে আগবঢ়োৱা হ'ব। 'এন এ এল এছ এ বিৰ পৰিবাৰ সহায়তা যোজনা ২০২৫' শীর্ষক এই নতুন পদক্ষেপৰ জৰিয়তে সীমান্ত তথা দুর্গম অঞ্চলত সেৱা আগবঢ়াই থকা সময়ত জোৱানসকলৰ ঘৰুৱা বিবাদৰ বিষয়ত আইনী বোজা লাঘৱ কৰাৰ উদ্দেশ্যে এই আইনী সহায় পৰিয়ালৰ লোকক আগবঢ়োৱা হ'ব।

এই ঐতিহাসিক ন্যায়িক পদক্ষেপৰ বাণী হ'ল, 'আপুনি সীমান্তত দেশৰ সেৱা কৰক, আপোনাৰ গৃহত আপোনাৰ পৰিয়ালক আমি যতন ল'ম।' এই আইনী সহায়তা আঁচনি আজি আনুষ্ঠানিকভাৱে শ্রীনগৰত মুকলি কৰে উচ্চতম ন্যায়ালয়ৰ ন্যায়াধীশ তথা ৰাষ্ট্ৰীয় আইন সেৱা প্ৰাধিকৰণৰ কাৰ্যবাহী অধ্যক্ষ ন্যায়াধীশ সূর্য কান্তে। এই আঁচনি মুকলিৰ অনুষ্ঠানত কেন্দ্ৰীয় আইন মন্ত্ৰী অর্জুন ৰাম মেঘৱাল, জম্মু-কাশ্মীৰৰ উপ-ৰাজ্যপাল মনোজ সিন্হা আৰু মুখ্যমন্ত্রী ওমৰ আব্দুল্লাও উপস্থিত থাকে।

Share This