ডিজিটেল ডেস্ক: তিতা কেৰেলাৰ নাম শুনি বহুতে বেয়া অনুভৱ কৰে, কাৰণ ইয়াৰ সোৱাদ সকলোৱে ভাল নাপায়, কিন্তু ই স্বাস্থ্যৰ বাবে অতি উপকাৰী। ইয়াত বহু ধৰণৰ এন্টিঅক্সিডেন্ট থাকে যিয়ে আমাৰ শৰীৰক বহু ৰোগৰ পৰা ৰক্ষা কৰে। যদিও আপুনি খাবলৈ ভাল নাপায়, কিন্তু যদি আপুনি ইয়াৰ উপকাৰিতাৰ বিষয়ে জানে, তেন্তে হয়তো আপুনি ইয়াক না ক’বলৈ সাহস নকৰিব। আমাৰ শৰীৰৰ বাবে ই কেনেদৰে উপকাৰী হ’ব পাৰে জানো আহক
১/ ছাল-যদি আপুনি নিয়মিতভাৱে তিতা কেৰেলাৰ ৰস খায়,ছালৰ লগত জড়িত বহু সমস্যাৰ পৰা আপুনি সকাহ পাব।প্ৰকৃততে ইয়াত এন্টিবেক্টেৰিয়েল গুণ পোৱা যায়, যিয়ে আমাৰ দাগ, ব্ৰণ, ছালৰ সংক্ৰমণৰ পৰা ৰক্ষা কৰে।
২/ ডায়েবেটিছ-যিসকল লোকে ৰাতিপুৱা আৰু গধূলি তিতা কেৰেলাৰ ৰস খায়, তেওঁলোকৰ তেজত চেনিৰ মাত্ৰা অটুট থাকে কাৰণ এই শাকত থকা এন্টিঅক্সিডেন্টে অগ্নাশয়ৰ কাৰ্য্যক্ষমতা বৃদ্ধি কৰে। ইয়াৰ উপৰিও বিপাকীয় ক্ৰিয়া বৃদ্ধি পায়, যিটো ডায়েবেটিছ ৰোগীৰ বাবে প্ৰয়োজনীয়।
৩/ হজম শক্তি-তিতা কেৰেলাৰ ৰস খালে পেটৰ বাবে উপকাৰী ,কাৰণ ইয়াত প্ৰচুৰ পৰিমাণে ফছফৰাছ থাকে, যাৰ ফলত হজম শক্তি উন্নত হয় আৰু কোষ্ঠকাঠিন্যৰ সমস্যা দূৰ হয়।
৪/ প্ৰতিৰোধ ক্ষমতা-আজিকালি ভাইৰাছৰ সংক্ৰমণৰ আশংকা সকলো সময়তে থাকে, গতিকে ৰোগ প্ৰতিৰোধ ক্ষমতা বৃদ্ধি কৰাটো অতি প্ৰয়োজনীয়, এনে পৰিস্থিতিত প্ৰতিদিনে দুবাৰকৈ তিতা কেৰেলাৰ ৰস খাব লাগিব। ইয়াৰ ফলত আপোনাৰ ৰোগ প্ৰতিৰোধ ক্ষমতা বৃদ্ধি পাব।