সাৱধান, শীতকালত আপুনিও ঠাণ্ডা পানীৰে গা ধোৱে নেকি?

Kakali Deka January 21, 2025

ডিজিটেল ডেস্ক:  শীতকালত অধিক লোকৰেই দৈনন্দিন জীৱন সলনি হয়। শীতৰ প্ৰকোপৰ ফলত পুৱা শুই উঠাৰ পৰা শোৱালৈকে ৰুটিন সলনি কৰিবলগীয়া হয়। ঠাণ্ডাৰ দিনত বহুতো লোকে গা ধুবলৈ ভয় কৰে। বহুতেই আকৌ যিমান ঠাণ্ডা হ'লেও ঠাণ্ডা পানীৰেই গা ধোৱে। কিন্তু স্বাস্থ্য বিশেষজ্ঞসকলৰ মতে, শীতকালত ঠাণ্ডা পানীৰে গা ধোৱাটো স্বাস্থ্যৰ বাবে বিপজ্জনক। ঠাণ্ডা পানীৰে গা ধুলে কি হয় জানো আহক-

ঠাণ্ডা বতৰত তাপমাত্ৰা হ্ৰাস হ’লে শৰীৰ গৰম ৰাখিবলৈ হৃদযন্ত্ৰই অধিক পৰিশ্ৰম কৰিবলগীয়া হয়। ঠাণ্ডাৰ প্ৰভাৱত ৰক্তনলীবোৰ সংকুচিত হয়, যাৰ ফলত শৰীৰলৈ তেজৰ প্ৰৱাহ আৰু হৃদযন্ত্ৰলৈ অক্সিজেনৰ যোগান কম হয়। যদি এজন ব্যক্তিৰ ধমনী ইতিমধ্যে সংকীৰ্ণ হয়, ঠাণ্ডাৰ ফলত সেইবোৰ আৰু সংকুচিত হ'ব পাৰে। ইয়াৰ ফলত তেজৰ প্ৰৱাহ আৰু অধিক কমি যায়। এই অৱস্থাই মগজুৰ ষ্ট্ৰ’কৰ আশংকা বৃদ্ধি কৰে।

কোনে ঠাণ্ডা পানীৰে গা ধুব নালাগে ?

যিসকল লোক মধুমেহ, হৃদৰোগ, উচ্চ ৰক্তচাপৰ দৰে সমস্যাত ভুগি আছে তেওঁলোকৰ বাবে ঠাণ্ডা পানীৰে গা ধোৱাটো বিপজ্জনক। এনে লোকসকলে ঠাণ্ডা পানীৰে গা ধোৱা পৰিহাৰ কৰিব লাগে।তদুপৰি, বৃদ্ধ আৰু শিশুসকলেও ঠাণ্ডা পানীৰে গা ধোৱাৰ পৰা আঁতৰি থাকিব লাগে, কিয়নো তেওঁলোকৰ শৰীৰৰ প্ৰতিৰক্ষা প্ৰণালী সিমান শক্তিশালী নহয়।

Share This