পুৱাই খাওক এইবোৰ খাদ্য নিৰোগী হৈ থাকিব

Kakali Deka March 24, 2025

ডিজিটেল ডেস্ক:  ব্যস্ততাপূৰ্ণ  জীৱনশৈলীৰ বাবে আজিকালি বহুলোকেই বজাৰত পোৱা  সহজতে ৰান্ধি খাব পৰা খাদ্য কিনি লৈ আহে। যিয়ে স্বাস্থ্যত খুব বেয়া প্ৰভাৱ পেলায়। সুস্থ স্বাস্থ্য তথা মনৰ অধিকাৰী হ'বলৈ পুৱা কোনবোৰ খাদ্য খাব লাগে, জানো আহক এই প্ৰতিবেদনৰ জৰিয়তে 

কণী

কণীৰ স্বাস্থ্য উপকাৰিতাৰ বিষয়ে হয়তো আপোনালোকক নতুনকৈ কোৱাৰ প্ৰয়োজন নাই। এক অধ্যয়নত প্ৰমাণ হোৱা মতে, ৰাতিপুৱাৰ আহাৰত সিজোৱা কণী খোৱা লোকসকলৰ আন খাদ্য খোৱা লোকসকলৰ তুলনাত ভোক যথেষ্ট কমকৈ লাগে আৰু মেদবহুলতাৰ দৰে আন বহু স্বাস্থ্য সমস্যাৰ পৰা তেওঁলোক বাচি থাকে। কণীৰ কুহুমত লুটিন আৰু জেক্সান্থিন নামৰ এণ্টিঅক্সিডেণ্ট থাকে, যিয়ে চকুৰ স্বাস্থ্য উন্নত কৰে।  কণীত ভিটামিন এ, আইৰন, কেলচিয়াম, ফলেটসহ আন বহু অত্যাৱশ্যকীয়  খনিজ থাকে। 

কফি
কফিত কেফেইন থাকে, যিয়ে শাৰীৰিক সক্ৰিয়তা তথা মনটোক সতেজ কৰি ৰাখিব পাৰে। ইয়াত বিভিন্ন পলিফেনল, এণ্টিঅক্সিডেণ্ট থকা যৌগ আৰু প্ৰদাহ প্ৰতিৰোধী গুণাগুণ থাকে। ৰাতিপুৱা কফি খালে দিনটোলৈ আপুনি সতেজ অনুভৱ কৰিব পাৰে।

চিয়া ছীডছ
চিয়া ছীডছ বা চিয়া বীজ আঁহৰ এক অতি ভাল উৎস।  চিয়া ছীডছে গ্লুক'জৰ স্তৰ নিয়ন্ত্ৰণ, কলেষ্টেৰল হ্ৰাস কৰে ।

Share This