ঈশ্বৰ নিন্দাৰ অভিযোগত মৃত্যুদণ্ডৰ শাস্তি বিহা হৈছে আমিৰ হুছেইন মাঘছৌদলুক

Kakali Deka January 20, 2025

ডিজিটেল ডেস্কঃ সংগীত প্রেমীৰ মাজত "টাটালু" নামেৰে পৰিচিত বিতৰ্কিত গায়কজনক এই শান্তি  বিহিছে ইৰাণৰ এখন আদালতে।
স্থানীয় সংবাদ মাধ্যমৰ তথ্য অনুসৰি, ইয়াৰ  পূৰ্বে উচ্চতম ন্যায়ালয়ে গায়কজনক ঈশ্বৰ নিন্দা কৰাৰ একেই অভিযোগত ৫ বছৰৰ কাৰাদণ্ড বিহিছিল। 
এতিয়া আদালতে গোচৰটো পুনৰ খুলি নতুন অভিযোগৰ ভিত্তিত তেওঁক মৃত্যুদণ্ডৰ আদেশ দিয়ে। অৱশ্যে গায়কজনে এতিয়াও আদালতত এই শাস্তিৰ পুনৰীক্ষণৰ আৱেদন দাখিল কৰিব পাৰিব।

৩৭ বছৰীয়া টাটালু ২০১৮ চনৰ পৰা তুৰ্কী চহৰৰ ইস্তানবুলত বাস কৰি আছিল, কিন্তু ২০২৩ চনৰ ডিচেম্বৰ মাহত  তুৰ্কীৰ আৰক্ষীয়ে তেওঁক আটক কৰি ইৰাণলৈ প্ৰত্যাৰ্পণ কৰে। সেই সময়ৰে পৰাই তেওঁ ইৰাণৰ ডিটেনশ্যনত আছিল। টাটালুৰ বিৰুদ্ধে কেৱল ঈশ্বৰ নিন্দাই নহয়, "বেশ্যা ব্যৱসায়ৰ প্ৰচাৰ কৰা", "ইৰাণৰ বিৰুদ্ধে অপপ্ৰচাৰ চলোৱা" আৰু "অশ্লীলতাৰ বেহা"  ইত্যাদি গুৰুতৰ  অভিযোগ উত্থাপন হৈ আহিছিল , যাৰ বাবে আদালতে তেওঁক  ১০ বছৰ কাৰাবাসৰ শাস্তিও বিহিছিল।

টাটালুৰ বিৰুদ্ধে আদালতৰ এই ৰায়ে  সংগীতপ্ৰেমী আৰু স্বাধীন মত প্ৰকাশৰ সমৰ্থকৰ মাজত তীব্ৰ প্ৰতিক্ৰিয়াৰ সৃষ্টি কৰিছে।

Share This