১৫ মাহৰ অন্তত যুদ্ধবিৰতি। ইজৰাইলে মুকলি কৰিলে ৯০ পেলেষ্টাইনীক।

Kakali Deka January 20, 2025

ডিজিটেল ডেস্ক: অৱশেষত কাৰ্যকৰী হ’ল হামাছ আৰু ইজৰাইলৰ মাজত  যুদ্ধবিৰতি চুক্তি।প্ৰায় ১৫ মাহ ধৰি চলিছিল এই যুদ্ধ।প্ৰথম চুক্তি অনুসৰি হামাছে মুকলি কৰি দিয়ে ৩ গৰাকী ইজৰাইলী পণবন্দীক।আৰু হামাছে মুকলি কৰি দিয়ে ৯০ গৰাকী পেলেষ্টাইনী বন্দীক।পশ্চিম পাৰৰ ৰামাল্লাহ চহৰৰ বাহিৰত থকা ইজৰাইলৰ অফেৰ কাৰাগাৰৰ পৰা বন্দীসকলক এখন বগা বাছেৰে কঢ়িয়াই লৈ যোৱা হয়।ইজৰাইলে মুকলি কৰি দিয়া আটাইকেইগৰাকী বন্দী আছিল নাবালিকা আৰু মহিলা বুলি জানিব পৰা গৈছে।

উল্লেখযোগ্য যে ইজৰাইল আৰু হামাছৰ যুদ্ধবিৰতিৰ প্ৰথম পৰ্যায়ত অহা ছয় সপ্তাহত হামাছে ৩৩ পণবন্দীক মুকলি কৰি দিব আৰু ইয়াৰ বিপৰীতে ইজৰাইলে মুকলি কৰি দিব প্ৰায় ২০০০ পণবন্দীক। এনেকৈ পৰ্যায়ক্ৰমে যুদ্ধবিৰতি চুক্তি চলিব।

পেলেষ্টাইনীসকলক মুকলিৰ কৰি দিয়াৰ পাছতে তেওঁলোকৰ মাজত এক আনন্দৰ বন্যা বোৱা দেখিবলৈ পোৱা যায়।ইজৰাইলৰ প্ৰধানমন্ত্ৰী বেঞ্জামিন ন্যেটানেহুৱে সতৰ্ক কৰি দিছিল যে হামাছে তেওঁৰ চৰকাৰক চুক্তিৰ প্ৰথম পৰ্যায়ৰ অধীনত মুকলি কৰিব লগা বন্দীসকলৰ এখন তালিকা প্ৰদান নকৰিলে গাজাত যুদ্ধবিৰতি আৰম্ভ নহ'ব।কিয়নো ২০২৩ চনৰ ৭ অক্টোবৰত হামাছে ইজৰাইলৰ ওপৰত আক্ৰমণ কৰি বন্দী কৰি লৈ গৈছিল বহু নাগৰিকক। ইয়াৰ পাছতে ইজৰাইলে হামাছৰ ওপৰত আক্ৰমণ কৰিছিল আৰু বন্দী কৰিছিল হাজাৰ হাজাৰ পেলেষ্টাইনী নাগৰিকক। যোৱা ১৫ মাহ ধৰি এই যুদ্ধ চলি আছে।যাৰ ফলত  যুদ্ধত ৪৫,০০০ তকৈ অধিক পেলেষ্টাইনী নাগৰিকে প্ৰাণ হেৰুৱাব লগা হৈছিল। ইয়াৰ বিপৰীতে এই যুদ্ধত বহু ইজৰাইলী নাগৰিক আৰু সেনাৰ মৃত্যু হৈছিল।

Share This