দেশ কঁপাই যোৱা আৰ জি কৰ কাণ্ডৰ দোষী সঞ্জয় ৰয়ৰ শাস্তি ঘোষণা।সঞ্জয় ৰয়ক যাৱজ্জীৱন কাৰাদণ্ড বিহিলে আদালতে

Kakali Deka January 20, 2025

ডিজিটেল ডেস্ক: অৱশেষত শাস্তি  ঘোষণা কৰা হ’ল  দেশ জোকাৰি যোৱা কলকাতাৰ আৰ জি কৰ হস্পিটেলৰ ধৰ্ষণ আৰু হত্যাকাণ্ডৰ ঘটনাৰ দোষী সাব্যস্ত সঞ্জয় ৰয়ৰ। কলকাতাৰ আৰ জি কৰ মেডিকেল কলেজ আৰু হস্পিটেলৰ মহিলা প্ৰশিক্ষাৰ্থী চিকিৎসকক ধৰ্ষণ আৰু হত্যাৰ গোচৰত দোষী সাব্যস্ত হোৱা সঞ্জয় ৰয়ক আজি শিয়ালদহ আদালতে যাৱজ্জীৱন কাৰাদণ্ড বিহে ৷ন্যায়াধীশ অনিৰ্বাণ দাসে সঞ্জয়ক যাৱজ্জীৱন কাৰাদণ্ড বিহে।চাঞ্চল্যকৰ ধৰ্ষণ আৰু হত্যাকাণ্ড সন্দৰ্ভত আদালতত প্ৰায় ৫৭ দিন ধৰি শুনানি অনুষ্ঠিত হৈছিল।তাৰ পাছতেই ১৩ আগষ্টত এই তদন্তৰ দায়িত্ব গ্ৰহণ কৰিছিল চি বি আয়ে। তথ্য অনুসৰি ১২০ জনতকৈ অধিক সাক্ষীৰ ভাষ্য আদালতত দাখিল কৰিছে। 

উল্লেখযোগ্য যে শনিবাৰে অতিৰিক্ত জিলা ন্যায়াধীশ শিয়ালদহ আদালতে সঞ্জয় ৰয়ক দোষী সাব্যস্ত কৰিছিল ৷লগতে সঞ্জয় ৰয়ক ৫০ হাজাৰ টকাৰ জৰিমনা বিহা হয়।আনহাতে চি বি আয়ে এই ঘটনাক লৈ সঞ্জয়ৰ ফাঁচিৰ দাবী কৰিছিল। কিয়নো ২০২৪ চনৰ ৯ আগষ্টত কলকাতাৰ আৰ জি কৰ হস্পিটেলত সংঘটিত হোৱা ভয়ংকৰ ঘটনাই সমগ্ৰ দেশ জোকাৰি গৈছিল। এগৰাকী কনিষ্ঠ চিকিৎসকক হস্পিটেলৰ ভিতৰতে ধৰ্ষণ কৰি হত্যা কৰা হৈছিল।আদালতে সঞ্জয় ৰয়ক ভাৰতীয় ন্যায় সংহিতাৰ ৬৪, ৬৬ আৰু ১০৩/১ ধাৰাত দোষী সাব্যস্ত কৰিছিল। ইফালে এই ঘটনাৰ পাছত হস্পিটেলখনৰ বহু চাঞ্চল্যকৰ তথ্য পোহৰলৈ আহিছিল। আনকি হস্পিটেলত চলি থকা বিভিন্ন ছিণ্ডিকেটৰ অভিযোগত গ্ৰেপ্তাৰ হৈছিল হস্পিটেলখনৰ অধ্যক্ষ।

এই কাণ্ডই সমগ্ৰ দেশতে প্ৰতিক্ৰিয়াৰ সৃষ্টি কৰিছিলি। দেশৰ বিভিন্ন প্ৰান্তত ইয়াক লৈ প্ৰতিবাদ সাব্যস্ত হৈছিল। অৱশেষত চি বি আইৰ তদন্তৰ অন্তত সঞ্জয় ৰয় এই গোচৰত দোষী সাব্যস্ত হয় আৰু তেওঁক আজি আদালতে যাৱজ্জীৱন কাৰাদণ্ডৰ শাস্তি বিহে।

Share This