ধন সম্পৰ্কীয় সকলো সমস্যা দূৰ কৰিবলৈ ঘৰত ৰাখক গোলাপৰ পাহি

Jyoti Borah August 24, 2023

ডিজিটেল ডেস্ক: সকলোৱে তেওঁলোকৰ জীৱনটো সুখেৰে ভৰি থকাটো বিচাৰে।সকলোয়ে বিচাৰে যে তেওঁলোকৰ জীৱনত কোনো বস্তুৰ যাতে অভাৱ নহয় আৰু ঘৰখনত এক ইতিবাচক পৰিৱেশে বিৰাজ কৰে। ঘৰখনলৈ ইতিবাচকতা আনিবলৈ তথা সতেজতা বৃদ্ধি কৰিবলৈ সুগন্ধি, ছটিয়াই দিয়ে। কিন্তু সুগন্ধিৰ সুবাস ঘৰটোত অলপ সময়হে থাকে, যাৰ বাবে ইয়াক বাৰে বাৰে ব্যৱহাৰ কৰিব লাগে। সুগন্ধি আৰু ৰুম ফ্ৰেচনাৰৰ উপৰিও আপুনি কিছুমান প্ৰাকৃতিক পদ্ধতিৰে ঘৰলৈ সুবাস আনিব পাৰে।হয়, গোলাপ ফুলে আপোনাৰ ঘৰলৈ ইতিবাচকতা আৰু সুগন্ধি দুয়োটা আনিব পাৰে।বাস্তু শাস্ত্ৰৰ মতে,কিছুমান নিময় অৱলম্বন কৰিহে গোলাপৰ পাহি ঘৰত ৰাখিব লাগে। আজি সেই বিষয়ে জানো আহক-

ইতিবাচকতা বৰ্তি থাকেঃবাস্তু শাস্ত্ৰৰ মতে, ঘৰত গোলাপৰ পাহি থাকিলে ঘৰখনত ইতিবাচকতা বৰ্তি থাকে।যদি ঘৰত নেতিবাচকতা থাকে, তেন্তে আপুনি ঘৰত গোলাপৰ পাহি ৰাখিব লাগে। ই নেতিবাচকতাৰ প্ৰভাৱ হ্ৰাস কৰিব আৰু ইতিবাচকতা ঘৰত বিয়পিবলৈ আৰম্ভ কৰিব।

অৰ্থনৈতিক সমস্যা দূৰ হয়ঃযদি আপোনাৰ ঘৰত ধন সম্পৰ্কীয় সমস্যা আছে, তেন্তে গোলাপৰ পাহি পানীভৰ্তি এটা বাতিত ৰাখিব।এনে কৰিলে লাহে লাহে ঘৰখনৰ সকলো ধন সম্পৰ্কীয় সমস্যা আঁতৰিবলৈ আৰম্ভ কৰিব। 

ঘৰত শান্তি থাকিবঃসতেজ গোলাপৰ পাহিয়ে পৰিয়ালৰ সদস্যসকলক শান্তি প্ৰদান কৰে। ইয়াৰ উপৰিও গোলাপৰ পাহি ঘৰত থকাৰ ফলত আপুনি চাপমুক্ত হৈ থাকিব।

ঋণৰ পৰা পৰিত্ৰাণ পাবঃযদি আপুনি ঋণৰ বোজাত ডুব গৈ আছে, তেন্তে আপুনি গোলাপ ফুলৰ ওপৰত কপুৰ ৰাখি আৰতি কৰা উচিত। ইয়াৰ পিছত এই ফুলটো মা লক্ষ্মীক আগবঢ়াব।দেখিব, আপোনাৰ ঋণৰ বোজা ক্ৰমান্বয়ে হ্ৰাস হ'ব। 

Share This