ৰন্ধন গেছৰ ক'লা বজাৰঃ দেশৰ ১২ হাজাৰ স্থানত তালাচী, হৰমুজ প্রণালী হৈ ভাৰত পালেহি এল পি জি কঢ়িওৱা দুখন জাহাজ

dainik janambhumi March 18, 2026

ডিজিটেল ডেস্ক: মধ্যপ্রাচ্যৰ যুদ্ধই সমগ্ৰ ভাৰতত ৰন্ধন গেছ আৰু খাৰুৱা তেলৰ বাবে সংকট সৃষ্টি কৰাৰ সময়তে এটা ভাল খবৰ পোৱা গৈছে। ৰন্ধন গেছ (এল পি জি) আৰু খাৰুৱা তেল লৈ অহা দুখন জাহাজ হৰমুজ প্রণালী পাৰ হৈ কালি ভাৰতত উপস্থিত হয়। 

এল পি জি লৈ ভাৰতীয় জাহাজ নন্দা দেৱী গুজৰাটৰ বাডিনাৰ বন্দৰত উপস্থিত হয়। ইয়াত প্রায় ৪৬ হাজাৰ টন এল পি জি আছে। জাহাজখনে যোৱা ১ মাৰ্চত কাটাৰৰ ৰাছ লাফান বন্দৰৰ পৰা পুৱা ৫-১০ বজাত ভাৰত অভিমুখে ৰাওনা হৈছিল। কিন্তু হৰমুজ প্রণালী ইৰানে বন্ধ কৰি দিয়াত তাত কেইবাদিনো ৰৈ থাকিব লগীয়া হয়। জাহাজখন ভাৰতত উপস্থিত হোৱাৰ পাছত দেশত ৰন্ধন গেছৰ সমস্যাৰ বহুখিনি শাম কাটিব। 

উল্লেখযোগ্য যে কালি শিৱালিক নামৰ জাহাজখন ভাৰতত উপস্থিত হৈছিল। দুয়োখন জাহাজত প্রায় ৯২,৭০০ টন এল পি জি আছে। দুয়োখন জাহাজ চৰকাৰী খণ্ডৰ শ্বিপিং কর্প'ৰেশ্যন অব্ ইণ্ডিয়াৰ। আনহাতে তেল পৰিবাহী টেংকাৰ জাহাজ জগ লাডলী ভাৰতীয় সামুদ্রিক এলেকাত প্ৰৱেশ কৰে আৰু কিছু সময়ৰ পাছতে গুজৰাটৰ মুন্দ্ৰা বন্দৰত লংগৰ পেলাব। এই জাহাজখনত ৪৫-৪৬ হাজাৰ টন খাৰুৱা তেল আছে। 

উল্লেখযোগ্য যে ইৰানৰ সৈতে হোৱা আলোচনাৰ পাছত দেশখনে ভাৰতীয় জাহাজ হৰমুজ প্রণালীৰে পাৰ হোৱাৰ অনুমতি দিয়ে।

Share This