শ্বাহৰূখৰ সৈতে বিবাহ, উদিতৰ সৈতে প্ৰেম...৬ বছৰীয়া কন্যা সন্তানক হত্যা কৰি প্ৰেমিকৰ সৈতে কৰিলে পাৰ্টি

Kakali Deka July 16, 2025

ডিজিটেল ডেস্কঃ ৯ মাহ ধৰি গৰ্ভত লালন-পালন কৰা সন্তানক মাতৃয়ে হত্যা কৰিব পাৰিবনে? এই কথা কোনেও সপোনতো ভাবিব নোৱাৰে। কিন্তু উত্তৰ প্ৰদেশৰ লক্ষ্ণৌৰ এগৰাকী মাতৃয়ে কৰিলে এই কাম।

৬ বছৰীয়া কন্যা সন্তানক ডিঙি চেপি হত্যা কৰিলে স্বয়ং মাতৃয়ে। ইউপিৰ ৰাজধানী লক্ষ্ণৌত ৰোশনী নামৰ এগৰাকী মহিলাই প্ৰেমিক উদিত জয়ছোৱালৰ সৈতে মিলি নিজৰ নিৰীহ কন্যাক হত্যা কৰে। প্ৰায় ৩৬ ঘণ্টা ধৰি মৃতদেহটো ঘৰতেই আছিল, কিন্তু তেওঁ কাকো জানিব নিদিলে। শেষত এই হত্যাৰ দোষ স্বামী শ্বাহৰূখৰ ওপৰত দিবলৈ চেষ্টা কৰে।

লক্ষ্ণৌত প্ৰেমিক উদিত জয়ছোৱালৰ সৈতে ৰোশনী খান নামৰ এগৰাকী মহিলাই নিজৰ নিৰীহ ৬ বছৰীয়া কন্যাক হত্যা কৰে। প্ৰায় ৩৬ ঘণ্টা ধৰি মৃতদেহটো ঘৰত পঁচি থাকিল, যদিও তেওঁ কাকো খবৰ নিদিলে। শেষত কন্যাৰ হত্যাৰ দোষ স্বামী শ্বাহৰূখৰ ওপৰত আৰোপ কৰে। কিন্তু মৰণোত্তৰ পৰীক্ষাৰ প্ৰতিবেদন আৰু অন্যান্য প্ৰমাণে ৰোশনীৰ ষড়যন্ত্ৰ উদঙাই দিয়ে।

বৰ্তমান আৰক্ষীয়ে অভিযুক্ত ৰোশনী আৰু তেওঁৰ প্ৰেমিক উদিত জয়ছোৱালক গ্ৰেপ্তাৰ কৰিছে। এতিয়া প্ৰশ্ন—কিয় ৰোশনীয়ে নিজৰ ৬ বছৰীয়া কন্যাক হত্যা কৰিলে আৰু কেনেকৈ স্বামীক এৰি উদিতৰ কাষ চাপিল?

আচলতে ঘটনাটো লক্ষ্ণৌৰ কাইজাৰবাগ অঞ্চলৰ। ইয়াত বাস কৰা শ্বাহৰূখে আঠ বছৰ পূৰ্বে ৰোশনী নামৰ এগৰাকী ছোৱালীক বিবাহ কৰাইছিল। ৰোশনী আছিল আধুনিক চিন্তাধাৰাৰ, পাৰ্টি আৰু ক্লাবলৈ গৈ ভাল পোৱা ছোৱালী। নৃত্যৰ প্ৰতিও তেওঁৰ বিশেষ আকৰ্ষণ আছিল। আৰম্ভণিতে শ্বাহৰূখে এই সকলোবোৰক স্বাভাৱিকৰূপে গ্ৰহণ কৰিছিল, কিন্তু অলপ সময়ৰ পাছত দুয়োৰে মাজত মনোমালিন্য আৰম্ভ হয়। ইয়াৰ ফলত ক্ৰমান্বয়ে দুয়োৰে সম্পৰ্কত অৱনতি ঘটে।

বিয়াৰ কিছুদিনৰ পাছত ৰোশনী আৰু শ্বাহৰূখৰ এগৰাকী কন্যা সন্তান জন্ম হয়। কিন্তু ৰোশনীয়ে আগৰ দৰেই জীৱন-যাপন অব্যাহত ৰাখে। এদিন ক্লাবত পাৰ্টিৰ সময়ত তেওঁৰ সৈতে পৰিচয় হয় উদিত জয়ছোৱাল নামৰ এজন ব্যক্তিৰ। কথোপকথনৰ জৰিয়তে তেওঁলোকৰ ঘনিষ্ঠতা বাঢ়ে, আৰু দুয়ো একেলগ হোৱা আৰম্ভ কৰে। ৰোশনীয়ে স্বামীক এৰি উদিতৰ সৈতে লিভ-ইন সম্পৰ্কত থাকিবলৈ আৰম্ভ কৰে। আৰু লগে লগে নিজৰ ছোৱালীজনীকো লৈ যায়।

অভিযোগ অনুসৰি, শ্বাহৰূখৰ ফ্লেট দখল কৰাৰ উদ্দেশ্যে ৰোশনী খানে শ্বাহৰুখ আৰু তেওঁৰ পৰিয়ালৰ সদস্যৰ বিৰুদ্ধে আক্ৰমণসহ কেইবাটাও গুৰুতৰ ধাৰাত এফআইআৰ দাখিল কৰে। এই ঘটনাত পৰিয়ালৰ কিছুমান লোক জে’ললৈও যায়।তেওঁ শ্বাহৰূখক দায়ী সজাবলৈ বহু পৰিকল্পনা কৰিছিল, যাতে প্ৰেমিক উদিতৰ সৈতে এই ফ্লেটত আৰামত থাকিব পাৰে।

ঘটনাৰ দিনা, অৰ্থাৎ সোমবাৰে নিশা শ্বাহৰূখে নিজৰ কন্যাক লগ পাবলৈ ফ্লেটলৈ গৈছিল। সেই সময়ত ৰোশনী আৰু তেওঁৰ মাজত কিবা বিষয়ক লৈ তৰ্ক-বিতৰ্ক হয়। তাৰ পিছতে ৰোশনীয়ে খঙতে নিজৰ ছোৱালীজনীক ডিঙি চেপি হত্যা কৰে। পিছত স্বামীক দোষী সাব্যস্ত কৰিবলৈ এটা ভয়ংকৰ ষড়যন্ত্ৰ সাজে। কিন্তু ৰোশনীয়ে মিছা কথা বেছি দিন লুকুৱাই ৰাখিব নোৱাৰিলে।

কাৰণ, ঘটনাৰ পাছদিনা যেতিয়া ৰোশনী খানে শ্বাহৰূখৰ ওপৰত হত্যাৰ অভিযোগ তোলে, তেতিয়াই আৰক্ষীয়ে সন্দেহ কৰে। মৃতদেহৰ অৱস্থা দেখি স্পষ্ট হৈছিল যে হত্যাকাণ্ডটো কেইঘণ্টামান আগতে সংঘটিত হোৱা যেন নালাগে। তাৰ উপৰি জেৰাৰ সময়ত ৰোশনীয়ে অহৰহ নিজৰ বক্তব্য সলনি কৰি আছিল। প্ৰতিটো প্ৰশ্নৰ উত্তৰত তেওঁ আৰক্ষীক বিভ্ৰান্ত কৰি থাকিল।

অৱশেষত যেতিয়া মৰণোত্তৰ পৰীক্ষাৰ ৰিপ’ৰ্ট আহিল, তেতিয়াই পোহৰলৈ আহিল যে ৩৬ ঘণ্টাৰ পূৰ্বেই শিশুটিক হত্যা কৰা হৈছিল। স্থান পৰ্যবেক্ষণত দেখা যায়, সেই সময়ত শ্বাহৰূখ সেই অঞ্চলত উপস্থিত নাছিল। আৰক্ষীৰ তদন্তত ৰোশনীয়ে শেষত সকলো কথা স্বীকাৰ কৰি লয়। উদিতেও ঘটনাত জড়িত থকাৰ কথা স্বীকাৰ কৰে।