মণিপুৰত নিৰাপত্তা বাহিনীৰ অভিযান

dainik janambhumi March 17, 2025

ডিজিটেল ডেস্কঃ মণিপুৰত ৰাষ্ট্ৰপতি শাসন বলৱৎ কৰাৰ পাছৰে পৰাই ৰাজ্যখনত নিৰাপত্তা বাহিনীয়ে উগ্রপন্থী আৰু দুষ্কৃতিকাৰীৰ বিৰুদ্ধে কঠোৰ অভিযান চলাই আছে। মণিপুৰ আৰক্ষীয়ে শনিবাৰে প্ৰকাশ কৰা অনুসৰি, চোৰাংচোৱাৰ খবৰৰ ভিত্তিত নিৰাপত্তা বাহিনীসমূহে যুটীয়া অভিযান চলায় আৰু মণিপুৰৰ পাহাৰীয়া আৰু উপত্যকা জিলাসমূহত তালাচী চলায়।

নিৰাপত্তা বাহিনীয়ে অভিযানৰ সময়ত লুট কৰা অস্ত্র-শস্ত্ৰ উদ্ধাৰ কৰে। অভিযানৰ সময়ত নিৰাপত্তা বাহিনীয়ে ১৯টা পিষ্টল গুলীৰ সৈতে, দুটা হেণ্ড গ্ৰেণেড, ৯টা এ কে ৰাইফলসহ বিভিন্ন অস্ত্র-শস্ত্র জব্দ কৰে। আনহাতে, বিগত ১০ মাৰ্চত নিৰাপত্তা বাহিনীয়ে বিষ্ণুপুৰ জিলাৰ কুকিমুন গাঁও আৰু লামডান কুকি গাঁৱৰ পৰা ৫টা অবৈধ বাংকাৰ ধ্বংস কৰিছিল।

Share This