যাদুৰ দৰে কাম কৰে খালী পেটত মেথি গুটিয়ে

Kakali Deka February 02, 2025

ডিজিটেল ডেস্ক: বিভিন্ন ব্যঞ্জনত ব্যৱহাৰ কৰা মেথিগুটি মছলাৰ আছে বিভিন্ন গুণ। মেথি গুটিৰ আছে যথেষ্ট উপকাৰী।মেথিগুটিত পোৱা যায় প্ৰচুৰ পৰিমাণৰ ভিটামিন-মিনাৰেল।মেথিগুটিত থকা এণ্টি অক্সিডেণ্টি আৰু এণ্টি  ইনফ্লেমেটৰি উপাদান স্বাস্থ্যৰ বাবে অতি উপকাৰী।মেথি গুটি কেৱল ৰন্ধা-বঢ়াত ব্যৱহাৰ কৰা নহয় দেখাত সাধাৰণ এই মেথি গুটিত আছে অসাধাৰণ যাদুকৰী গুণ।

মেথি গুটি খোৱাৰ আটাইতকৈ সহজ আৰু সকলোতকৈ উপকাৰী উপায়টো হৈছে ইয়াক তিয়াই থৈ পানী খোৱা।ইয়াৰ বাবে নিশা এগিলাচ পানীত এক টেবুল চামুচ মেথি তিয়াই থৈ পিছদিনা পুৱা সেই পানীখিনি খালী পেটত খাব লাগে। আপুনি তিয়াই থোৱা মেথিখিনিও চোবাই খাব পাৰে।

কলেষ্টৰেল হ্ৰাস কৰাত সহায়ক মেথি গুটি।মেথিত থকা উপাদানে শৰীৰক অতিৰিক্ত কলেষ্টৰেল উৎপাদনত বাধা দিয়ে। নিয়মীয়াকৈ খাদ্যৰ সৈতে মেথি খালে কলেষ্টৰেলৰ মাত্ৰা হ্ৰাস কৰাত সহায় কৰে।

যিসকলে এচিডিটি বা গেছৰ সমস্যাত ভুগি আছে তেওঁলোকে প্ৰতিদিনে পুৱা খালী পেটত মেথি গুটি তিয়াই থোৱা পানী খাব পাৰে। 

গাঁঠিৰ বিষ আৰু ফুলাত মেথি গুটি অতি সহায়ক । মেথিৰ গুণাগুণ আইৰন, কেলচিয়াম , ফচফৰাছ , প্ৰদাহ-প্ৰতিৰোধী আৰু এণ্টিঅক্সিডেণ্ট। যিয়ে গাঁঠিৰ বিষৰ পৰা উপশম কৰাত সহায় কৰে।

ডায়েবেটিছ নিয়ন্ত্ৰণ কৰাত মেথি গুটিয়ে সহায় কৰে। ১০ গ্ৰাম মেথিগুটিত গৰম পানীত তিয়াই থৈ খালে ডায়েবেটিছ নিয়ন্ত্ৰণত সহায় কৰে।

কিন্তু মেথি গুটি খোৱাৰ সময়ত সাৱধান হ’ব লগা কেইটামান দিশ হৈছে- এদিনত এক চামুচতকৈ বেছি মেথি নাখাব।আপুনি যদি আগৰে পৰাই গেছৰ সমস্যাত ভুগি আছে, তেন্তে খালী পেটত মেথিগুটি বা ইয়াৰ পানী নাখাব। এনে কৰিলে আপোনাৰ গেছৰ সমস্যা বাঢ়ি যাব পাৰে।

Share This