খালী পেটত নেমু খালে কি কি ক্ষতি হয় জানি লওক 

Kakali Deka January 24, 2025

ডিজিটেল ডেস্কঃ নেমু পানী স্বাস্থ্যৰ বাবে অতি উপকাৰী। খালী পেটত নেমু পানী খালে বহু উপকাৰ পোৱা যায় বুলি বিশ্বাস কৰা হয়। ওজন হ্রাস কৰাৰ পৰা ৰোগ প্ৰতিৰোধ ক্ষমতা শক্তিশালী কৰালৈকে, ই শৰীৰক বহুতো লাভালাভ প্রদান কৰে। কিন্তু যদি ইয়াক সঠিক পৰিমাণত খোৱা নহয়, তেনেহ'লে ই আমাৰ শৰীৰৰ যথেষ্ট ক্ষতি কৰিব পাৰে। বিশেষকৈ খালী পেটত বহুত বেছিকৈ নেমু পানী খোৱাটো স্বাস্থ্যৰ পক্ষে অত্যন্ত বেয়া বুলি কোনো কোনো স্বাস্থ্য বিশেষজ্ঞই ক'ব বিচাৰে। খালী পেটত নেমু পানী খাওঁতে কেতিয়াও ঠাণ্ডা পানীৰ লগত নাখাব। গৰম পানী বা কুহুমীয়া পানীতহে নেমু ৰস মিহলাই খাব।

হাড়ৰ ক্ষতি

ৰাতিপুৱা খালী পেটত নেমুপানী খালে হাড়ৰ ক্ষতি হয়। খালী পেটত খোৱা নেমু পানীয়ে হাড়ত থকা তেল হ্রাস কৰে। যাৰ ফলত হাড়বোৰ দুৰ্বল হৈ পৰে।

দাঁতৰ ক্ষতি

খালী পেটত নেমু পানী খালে দাঁতৰ ক্ষতি হ'ব পাৰে। নেমুৰ এচিডিক গুণাগুণ আছে, যাৰ ফলত ই দাঁতৰ এনামেল ক্ষতিগ্রস্ত কৰিব পাৰে। নেমু পানী খোৱাৰ পাছতেই মুখখন যদি কুলকুলি কৰি দিয়ে তেন্তে দাঁত ৰক্ষা কৰিব পাৰি।

ডিহাইড্রেশ্যন

নেমু পানী ৰাতিপুৱা খোৱাৰ ফলত ডিহাইড্ৰেশ্যনৰ সমস্যাও হ'ব পাৰে। নেমুত উচ্চ পৰিমাণত এস্কর্বিক এচিড পোৱা যায়, যিয়ে বৃক্কত প্ৰস্ৰাৱৰ উৎপাদন বৃদ্ধি কৰিবলৈ কাম কৰে। সেয়েহে ইয়াক সন্তুলিত পৰিমাণত ব্যৱহাৰ কৰিব লাগে।

হজমৰ সমস্যা

নেমু পানীয়ে হজম স্বাস্থ্যকৰ ৰখাত সহায় কৰে। কিন্তু ৰাতিপুৱা খালী পেটত সেৱন কৰিলে পাকস্থলীৰ এচিডৰ সমস্যা বৃদ্ধি হ'ব পাৰে। যাৰ ফলত আপুনি পাকস্থলীৰ সৈতে সম্পর্কিত সমস্যাবোৰৰ সন্মুখীন হ'ব পাৰে।

প্ৰস্ৰাৱৰ সমস্যা

খালী পেটত নেমু অত্যধিক সেৱন কৰিলে প্ৰস্ৰাৱৰ সৈতে সম্পর্কিত সমস্যা হ'ব পাৰে। সেয়েহে অত্যধিক নেমু খোৱাৰ পৰা বিৰত থাকিব লাগে।

মনত ৰাখিব যে নেমু পানী খোৱাৰ লগে লগে দৈ বা যিকোনো দুগ্ধজাত সামগ্ৰী আৰু অমিতা নাখাব। স্বাস্থ্যৰ বিষম ক্ষতি হ'ব পাৰে।

Share This