আপোনাৰ স্মাৰ্টফোনটো হেক হ’লে কেনেদৰে জানিব?

Ratul rajbangshi February 25, 2025

ডিজিটেল ডেস্ক: আজিকালি ডিজিটেল যুগত মনোৰঞ্জনৰ সমাগ্ৰী হিচাপে, খোৱা-লোৱা, ভ্ৰমণ বিলাস, নিত্য ব্যৱহাৰ্য সামগ্ৰীৰ যোগান ধৰাৰ পৰা আৰম্ভ কৰি বিত্তীয় লেনদেন সকলো কামেই মোবাইল জৰিয়তে কৰা হয়৷ মাত্ৰ আপোনাৰ মোবাইলটো হাতত থাকিলেই হয়, বহি থাকিয়েই আপুনি আপোনাৰ সকলো কাম সমাধান কৰিব পাৰে৷ ইমানখিনি সুবিধা হোৱা অৱস্থাত অনালাইন বেকিং আৰু ছ’চিয়েল মিডিয়া ব্যৱহাৰ কৰাৰ সময়ত আপোনাৰ স্মাৰ্টফোনটো হেক নাইবা আপোনাৰ গোপন সকলো তথ্য ফাদিল হোৱাৰ আশংকা বৃদ্ধি পাইছে৷

আপুনি ব্যৱহাৰ কৰা ফোনটো বা কম্পিউটাৰটো সহজে হেক কৰিবলৈ যথেষ্ট সুবিধা আছে৷ সাধাৰণতে এণ্ড্ৰয়ড মোবাইলৰ তুলনাত আইঅ’এছ বেছি নিৰাপদ বুলি ভবা হয় যদিও এইটো নহয় যে আইফোন বেক কৰিব পৰা নাযায়৷ কিন্তু এটা কথা সঁচা যে এণ্ড্ৰয়ড মোবাইল হেক কৰিবলৈ তুলনামূলকভাৱে সহজ৷ সেয়েহে জানো আহক আপোনাৰ মোবাইলটো হেক হোৱাৰ সংকেত কিদৰে দিব৷ আপুনি ব্যৱহাৰ কৰা মোবাইলটোত যদি এইকেইটা লক্ষণ দেখা পায়, তেন্তে জানিব যে আপোনাৰ মোবাইলটো হেক হৈছে৷ আপোনাক এনে কিছু লক্ষণ জনাব বিচাৰিছোঁ যে যাৰ সহায়ত আপুনি সহজেই বুলিব পাৰিব আপোনাৰ ফোনটো হেক হৈছে নে নাই৷ ফোন হেক হোৱাৰ এটা প্ৰধান লক্ষণ হ’ল অটোমেটিক ছিষ্টেম ছাটডাউন তথা ৰিষ্টাৰ্ট হোৱা৷ অৰ্থাৎ আপোনাৰ ফোনটো বাৰে বাৰে যদি নিজে নিজেই বন্ধ বা খোল খায়, তেতিয়া হ’লে বুজিব আপোনাৰ ফোনৰ ছিষ্টেম হেকাৰৰ হাতত পাৰিছে৷ লগে লগে আপুনি সাৱধান হওক৷ ডাউনলোড কৰা ফাইলবোৰ চেক কৰক আৰু ফোনটো ফৰ্মেট কৰি দিয়ক৷ মোবাইল হেক হোৱাৰ আন এটা ডাঙৰ লক্ষণ হ’ল আপুনি মোবাইলত বেকিং লেনদেনৰ  সুবিধা পাবলৈ আৰম্ভ কৰিছে৷ সেই সময়ত এনেকুৱা হয় যে কিছুমান পণ্য ক্ৰয়ৰ আপোনালৈ অভাৰ আহে, মাত্ৰ আপুনি পচন্দ কৰিব লাগে৷ এনে হোৱা মানে কোনোবাই আপোনাৰ ক্ৰেডিট বা ডেবিট কাৰ্ড বা বেকিঙৰ সমূদায় বিৱৰণ পাই গৈছে৷ এই ক্ষেত্ৰত অবিলম্বে বেংকৰ সহায় লওক আৰু একাউণ্টৰ পৰা সম্পূৰ্ণ লেনদেন বন্ধ কৰি দিয়ক৷

কোনো কাৰণ নোহোৱাকৈয়ে যদি আপোনাৰ মোবাইলটো হঠাতে মন্থৰ হৈছে, তেন্তে সাৱধান হওক৷ বিভিন্ন সময়ত হেকাৰে বিটকয়েন মাইনিঙৰ বাবে আপোনাৰ ছিষ্টেম ব্যৱহাৰ কৰিব পাৰে৷ এইসময়ত ইণ্টাৰনেটৰ গতি দ্ৰুততৰ হোৱা সত্ত্বেও যদি ফোনৰ ভিডিঅ’ স্লো হ’বলৈ ধৰে বা আপোনাৰ ডাটাৰ অতিৰিক্ত ব্যৱহাৰ হৈ থাকে, এই ক্ষেত্ৰত সতৰ্কতা অৱলম্বন কৰক৷ হেকাৰে ফোন হেক কৰাৰ সময়ত এণ্টিভাইৰাছ তথা ছিকিউৰিটি ছফটৱেৰ বন্ধ কৰি দিয়ে৷ আপোনাৰ যদি কোনোধৰণৰ সন্দেহ হয় যে আপোনাৰ এণ্টিভাইৰাছে কোনো কাম কৰা নাই, তেতিয়া সতৰ্ক হওক৷ এনে পৰিস্থিতিত ফোনৰ এপ ক্ৰামগতভাৱে আপডেট কৰি থাকক৷ আপোনাৰ মোবইল ফোনৰ বেটাৰী হঠাতে যদি দ্ৰুতভাৱে ফুটি উঠে, তেনেক্ষেত্ৰত আপুনি সতৰ্ক হোৱা ভাল৷ ইয়াৰ কাৰণ হিচাপে হেকাৰে আপোনাৰ ফোনত কোনো মেলৱেয়াৰ ছেট কৰিছে আৰু সেয়ে ফোনৰ বেকগ্ৰাউণ্ডত কাম কৰিছে৷

Share This