প্ৰটিন দেহত কমিলে নানা ক্ষতি হয় ! জানি লওক সৱিশেষ

Rashmi July 05, 2025

ডিজিটেল ডেস্ক : অসমীয়াত প্ৰটিনক মাংসসাৰ বুলি কোৱা হয়। ই হৈছে একপ্ৰকাৰৰ বৃহৎ জৈৱযৌগ, যাক এমিন' এচিডৰ দীঘল শৃংখলৰ দ্বাৰা গঠন কৰা হয়। ই শৰীৰৰ বাবে অতি প্ৰয়োজনীয় পুষ্টি উপাদান। প্ৰটিনে জীৱ দেহত পৰিপাকীয় বিক্ৰিয়াৰ অনুঘটক, DNA পুনৰোৎপাদন, উদ্দীপনাৰ প্ৰতি সঁহাৰি, এটা অংশৰ পৰা আন অংশলৈ অনুৰ পৰিবহণকে ধৰি বিভিন্ন কাৰ্য সংঘটিত কৰে।

বিভিন্ন প্ৰটিনৰ এমিন' এচিডৰ সাজোনৰ ভিন্নতা থাকে, যিটো সিহঁতৰ জীনৰ নিউক্লিয়টাইড সজ্জাই নিৰ্ধাৰণ কৰে আৰু ইযাৰ ফলতেই প্ৰটিনে সিহঁতৰ বিশেষ ত্ৰি-অক্ষীয় গঠন লাভ কৰে, যিয়ে সিহঁতৰ কাৰ্য নিৰ্ণয় কৰে।

প্ৰটিনৰ অভাৱে বিভিন্ন শাৰীৰিক সমস্যা সৃষ্টি কৰিব পাৰে, যেনে মাংসপেশীৰ দুৰ্বলতা, চুলি সৰা, ঘা শুকোৱাত পলম, হাড় দুৰ্বল হোৱা, হাড়ৰ ঘনত্ব কমি যোৱা,  ৰোগ প্ৰতিৰোধ ক্ষমতা হ্ৰাস,  মানসিক অৱসাদ বৃদ্ধি, ভোক নলগা, শৰীৰ ফুলা আদি।

বিশেষজ্ঞসকলৰ মতে দৈনিক খাদ্য তালিকাত দাইল, মাছ-মাংস, কণী, গাখীৰ, দৈ আদি প্ৰটিনযুক্ত খাদ্য অন্তৰ্ভুক্ত কৰাটো অতি প্ৰয়োজনীয়। লগতে শাক-পাচলি আৰু ফল-মূলৰ পৰাও প্ৰটিন পোৱা যায়। ছয়াবিন, বাদাম, ওটছ আদিতো প্ৰটিন প্ৰচুৰ পৰিমাণে পোৱা যায়।


উৎস : প্ৰাগ নিউজ ডিজিটেল

Share This