ৰাহুল গান্ধীৰ বিৰুদ্ধে বিশেষাধিকাৰ ভংগৰ অভিযোগ 

Dainik janambhumi February 05, 2025

ডিজিটেল ডেস্ক: কালি লোক সভাত বিৰোধী দলপতি ৰাহুল গান্ধীয়ে 'দেখ দেখকৈ মিছা আৰু বদনামকাৰী অভিযান' চলোৱা বুলি গুৰুতৰ অভিযোগ কৰি বিজেপিৰ সাংসদ নিশিকান্ত ডুবেয়ে মঙলবাৰে লোক সভাৰ অধ্যক্ষ ওম বিৰলালৈ গান্ধীৰ বিৰুদ্ধে বিশেষাধিকাৰ ভংগৰ প্রস্তাৱৰ বাবে অনুৰোধ কৰি পত্ৰ প্ৰেৰণ কৰে। উল্লেখযোগ্য যে গান্ধীয়ে দাবী কৰিছিল যে ভাৰতৰ ম'বাইল ফ'নবোৰ ভাৰতত নিৰ্মিত নহয়, এচেম্বল কৰাহে। এই সমূহ চীনতহে প্ৰস্তুত কৰা হৈছে। 

তেওঁ চীনে ভাৰতৰ ভূমি দখল কৰা বুলিও অভিযোগ কৰিছিল। তেওঁ আৰু কৈছিল যে আমেৰিকাৰ ৰাষ্ট্ৰপতি ড'নাল্ড ট্রাম্পৰ শপত গ্রহণ প্রধানমন্ত্রী মোদীয়ে নিমন্ত্রণ পোৱাৰ ব্যৱস্থা কৰিবলৈ ভাৰতে বিদেশ মন্ত্রী এছ জয়শংকৰক আমেৰিকালৈ প্ৰেৰণ কৰিছিল।

Share This