আপোনাৰ ছালৰ উজ্জ্বলতা কমিছে নেকি? কৰক এইকেইটা উপায়

Rashmi February 15, 2025

ডিজিটেল ডেস্ক: আজিকালি সকলোৱে ছাল-চুলিক লৈ যথেষ্ট সচেতন। সকলোৰে এটাই চিন্তা, কিদৰে নিজক ধুনীয়া কৰি ৰাখিব পাৰি।আমি সকলো সৌন্দৰ্যৰ প্ৰতি দুৰ্বল।নিজকে ধুনীয়া কৰি ৰাখিবলৈ আমি বহুতেই হয়তো বহু যত্নও লওঁ।কিন্তু এনে কৰাৰ পাছতো কেতিয়াবা আমাৰ ছালখন উজ্জ্বল হৈ নুঠে। বহুতে নিজৰ ছালৰ উজ্জ্বলতা বৃদ্ধি কৰিবৰ বাবে পাৰ্লাৰত বিভিন্ন ধৰণৰ ফেচিয়েল আদি কৰায়ো দেখিবলৈ পোৱা যায় যিসমূহ আমাৰ ছালৰ বাবে অতি ক্ষতিকাৰক। বতৰ তথা জলবায়ুৰ বাবেও বহু সময়ত আমাৰ ছালখনে উজ্জ্বলতা হেৰুৱাব লগা হয়। এই ক্ষেত্ৰত আপুনি কেতবোৰ ঘৰুৱা উপায় অৱলম্বন কৰি ছালখনক সদায় উজ্জ্বল আৰু আকৰ্ষণীয় কৰি ৰাখিব পাৰে। জানো আহক ঘৰুৱা উপায়সমূহৰ বিষয়ে - 

এল’ভেৰা - এক চামুচ এল’ভেৰা জেল লৈ ৰাতি শোৱাৰ আগত মুখত লগাই থ’ব। ৰাতিপুৱা শুই উঠি মুখখন ভালদৰে ধুব। নিশা ছালৰ যত্নৰ ৰুটিনত আপুনি এল’ভেৰা অন্তৰ্ভূক্ত কৰিলে ছালখন হাইড্ৰেটেড, উজ্জ্বল হৈ থকাৰ লগতে মুখৰ দাগবোৰ নাইকিয়া হয়।

তুলসীৰ পানী - প্ৰথমে সতেজ তুলসীৰ পাতখিনি ধুই একাপ পানীত তিয়াই ৰাখিব। পিছদিনা ৰাতিপুৱা এই পানীখিনি পাতৰ পৰা ছেকনীৰে ছেকি ল'ব। তাৰ পাছত তুলসীৰ পানীত নেমুৰ ৰস আৰু গোলাপ জল মিহলি কৰি এই মিশ্ৰণটো এটা বটলত ভৰাই ৰাখক। এই পানী দৈনিক মুখত নিয়মীয়াকৈ প্ৰয়োগ কৰিলে আপোনাৰ মুখখন জিলিকি উঠিব।

কণীৰ কুহুম - সপ্তাহত অন্তত: তিনিদিনকৈ কণীৰ কুহুম আৰু এচামুচ অলিভ অইল মিহলি কৰি মুখত লগাই ১৫-২০ মিনিট থাকি ঠাণ্ডা পানীৰে ধুব। এনে কৰিলে ছালৰ উজ্জ্বলতা বৃদ্ধি পাব।

গাখীৰৰ সৰ - গাখীৰৰ সৰ আৰু ময়দা নাইবা গাখীৰৰ সৰৰ লগত অকণমান নিমখ বা চেনি মিহলাই মুখত সানি ১০ মিনিট সময় ৰাখি ঠাণ্ডা বা কুহুমীয়া পানীৰে ধুই পেলাব। এনে কৰিলে ছাল নিমজ আৰু কোমল হ’ব।

হালধি আৰু গাখীৰ - এক চামুচ হালধিৰ লগত অলপ গাখীৰ মিহলি কৰি এটা পেষ্ট তৈয়াৰ কৰি লওঁক। তাৰ পিছত গোটেই ৰাতিটোৰ বাবে এই পেষ্টটো মুখত প্ৰয়োগ কৰক। ৰাতিপুৱা ভালদৰে মুখখন ধুই দিব। ছালৰ বেক্টেৰিয়াৰ সমস্যা হ্ৰাস কৰিবলৈ এনে কৰাটো যথেষ্ট উপকাৰী।

Share This