ছয়াবিনে হৃদপিণ্ড [Heart] ভালে ৰখাত সহায় কৰে

Ratul Rajbanshi March 22, 2025

ডিজিটেল ডেস্ক : দৈনন্দিন খাদ্য তালিকাত ছয়াবিন এবিধ লেখত ল’বলগীয়া খাদ্য৷ ইয়াৰ বৈজ্ঞানিক নাম হৈছে গ্লাইচিন মেক্স৷ ইয়াৰ সাধাৰণতে নিৰামিষ খাদ্য হিচাপে ধৰা হয়৷ ইয়াৰ যথেষ্ট পৰিমাণৰ প্ৰ’টিন, কাৰ্বহাইড্ৰেট, ভিটামিন, মিনাৰেল আদি পোৱা যায়৷ ইয়াৰ ৭২ শতাংশ প্ৰ’টিন, ৮৭ শতাংশ আইৰন বা লো আৰু মেগনেছিþয়ামৰ পৰিমাণ হ’ল ৭০ শতাংশ৷ ছয়াবিন প্ৰধানকৈ এবিধ প্ৰ’টিনজাত খাদ্য৷

ছয়াবিনৰ পৰ্যাপ্ত মাত্ৰাত আঁহ বা ফাইবাৰ থাকে৷ আনহাতে ছয়াবিনত আইচোফ্লাভেন আৰু লেছিথিন নামৰ দুবিধ বিশেষ পুষ্টিকৰ উপাদান থাকে, যিয়ে আমাৰ হাৰ্টক ভালে ৰখাত উল্লেখযোগ্য ভূমিকা পালন কৰে৷

এই দুই উপাদানে আমাৰ হাৰ্টৰ কাৰ্যক্ষমতা বঢ়াই তোলে আৰু ফলত হাৰ্ট সুস্থ ৰখাত সহায়ক হয়৷ একাংশ পুষ্টিবিদৰ মতে ছয়াবিন খালে যি পুষ্টি পোৱা যায়, সিয়ে শৰীৰৰ সমতা ৰক্ষা কৰিব পাৰে৷ আমাৰ খোৱা-বোৱাৰ অনিয়মিত খাদ্য তালিকা, শাৰীৰিক কষ্ট নোহোৱা আদিবোৰে আমাৰ শৰীৰত কলেষ্টৰেল মাত্ৰা বঢ়ায়৷ ইয়াৰ ফলত হাৰ্টৰ অসুখতে ধৰি ব্ৰেইন ষ্ট˜ক, ভ্‌ৰিৰ বিষ, অলপ পৰিশ্ৰমতে ভাগৰ লগা আদি কাৰকে দেখা দিয়ে৷ শৰীৰত কলেষ্টৰেলৰ বাবে ডেনচিটি লাইপোপ্ৰ’টিন বা এল ডি এল বা ভি এল ডি এলৰ মাত্ৰা বাঢ়ে৷ এইবোৰ নিৰাময়ৰ বাবে আমি খাদ্য তালিকাত ছয়াবিন ৰখাটো খুবেই প্ৰয়োজন৷ মহিলাৰ ঋতুকালীন সমস্যাৰ বাবে ছয়াবিন খোৱাটো দৰকাৰী৷

Share This