ঠাণ্ডাৰ বাবে পুৱাই উঠিবলৈ এলাহ ভাব আঁতৰাব এই অভ্যাসে

Kakali Deka February 05, 2025

ডিজিটেল ডেস্কঃ শীতকালত  ঠাণ্ডাৰ বাবে পুৱাই টোপনিৰ পৰা উঠিবলৈ সকলোৰে এলাহ অনুভৱ হয় ৷

বিছনা এৰি শীতৰ ঠাণ্ডাত উঠি হাত-মুখ ধোৱা, গা ধোৱা, খোৱা-বোৱা কৰা আদি কামবোৰ কৰাটো বৰ টান হৈ পৰে৷ 

 ইয়াৰ ফলত কামত বেয়া প্ৰভাৱ পৰে। গতিকে পুৱাই বিছনাৰ পৰা উঠাৰ এলাহ ভাব নোহোৱা কৰিবলৈ আৰু পুৱাই সোনকালে উঠি দিনটোৰ কৰ্মসূচী নিৰ্ধাৰণ কৰি  সঠিকভাৱে সম্পাদন কৰিবলৈ কিছুমান অভ্যাস অতি  জৰুৰী৷ 

বিছনাত যিমানেই বেছি সময় কটাব, সিমানেই শৰীৰলৈ এলাহ ভাব আহিব৷ সেয়ে বিশেষকৈ ঠাণ্ডাৰ দিনত পুৱা সোনকালে শোৱাৰ পৰা উঠাৰ অভ্যাস কৰক৷ অৱশ্যে আপুনি  ৰাতিপুৱা সোনকালে উঠিবলৈ হʼলে ৰাতিও সোনকালে শোৱাৰ চেষ্টা কৰিব লাগে ৷ দৈনিক সাত-আঠ ঘণ্টাতকৈ আপুনি বেছি নুশুব৷ উপযুক্ত সময়ত শোৱাৰ ফলত শৰীৰ আৰু মন ভালে থাকে৷

পুৱাই টোপনিৰ পৰাই উঠি আপুনি কুহুমীয়া গৰম পানী সেৱন কৰাৰ অভ্যাস কৰক৷ টোপনিৰ পৰা উঠি পানী সেৱন কৰিলে শৰীৰৰ বিপাক হাৰ বাঢ়ে৷ আনহাতে বিপাকৰ হাৰ উন্নত হ’লে শৰীৰলৈ সুস্থিৰ মনোভাব আহে৷

ঠাণ্ডা দিনত  শুই  উঠিয়েই ষ্ট্ৰেচিং, যোগাসনৰ দৰে লঘু ব্যায়াম কৰাৰ অভ্যাস কৰক ৷ এইদৰে শৰীৰচৰ্চা কৰাৰ ফলত ৰক্ত সঞ্চালন উন্নত হয়, যাৰ ফলত শৰীৰ আৰু মন সুস্থ তথা উন্নত হয়৷

পুৱা শৰীৰচৰ্চাৰ কৰাৰ পাছত  সুষম আহাৰ গ্ৰহণ কৰাটো অতি আৱশ্যক৷ নিতৌ প্ৰ’টিন, ফল-মূল বা শাক-পাচলি খাদ্য তালিকাত অন্তৰ্ভুক্ত কৰক৷

 আনহাতে কাৰ্বহাইড্ৰেটযুক্ত খাদ্য কমাই খাওক৷ পুৱা টোপনিৰ পৰা উঠিয়েই ম'বাইল চোৱাৰ অভ্যাস পৰিত্যাগ কৰক৷ 

বহুতৰে এটা অভ্যাস আছে যে শুই উঠিয়েই ম'বাইল অন কৰি ফে’চবুক, ইনষ্টাগ্ৰাম , ভিডিঅ' আদি চোৱাৰ৷ ইয়াৰ ফলত পুৱাই বহু মূল্যৱান সময় ব্যয় হোৱাৰ লগতে মনৰ ওপৰতো প্ৰভাৱ বিস্তাৰ কৰে৷ সেয়ে এনে অভ্যাস ত্যাগ কৰিবলৈ আপুনি চেষ্টা কৰক৷

Share This