আজি ৭ ছেপ্টেম্বৰ, কেনেদৰে যাব আপোনাৰ দিনটো

DainikJanambhumi September 07, 2024

 

ডিজিটেল ডেস্কঃ শনিবাৰ, ৭ছেপ্টেম্বৰ, খ্ৰীষ্টাব্দ ২০২৪

 

মেষঃ শুভ কাৰক গ্ৰহ ৰবি, মঙল৷ শুভ সংখ্যা ৬,৭ শুভ ৰং কমলা৷ ধৰ্মীয় কৰ্মত মনোনিৱেশ কৰি ভাল পাব৷ পাৰিবাৰিক জীৱন সুখ-শান্তিময়৷ পিতৃ-মাতৃ সুখী৷ হঠাৎ কোনো সু-খবৰ পাব পাৰে৷

বৃষঃ শুভ কাৰক গ্ৰহ শুক্ৰ, চন্দ্ৰ৷ শুভ সংখ্যা ২, ৬৷ শুভ ৰং গেৰুৱা৷ ব্যৱসায়-বাণিজ্যত জড়িত যদি মনোযোগ দিয়ক, লাভৱান হ’ব৷ বন্ধুবৰ্গৰ লগত মিলিজুলি দিনটো ভাল ধৰণেই পাৰ হ’ব৷ বিদ্যাৰ্থীৰ বহুমুখী প্ৰতিভা৷

মিথুনঃ শুভ কাৰক গ্ৰহ বুধ, ৰবি৷ শুভ সংখ্যা ৬,৭৷ শুভ ৰং কমলা৷ দিনটো ভালেই যাব৷ যান-বাহন বা নতুন সা-সম্পত্তি লোৱাৰ কথা ভাবিব পাৰে৷ কৰ্ম ক্ষেত্ৰত সহকৰ্মীৰ পৰা সহায়-সহযোগিতা পাব৷

কৰ্কটঃ শুভ কাৰক গ্ৰহ চন্দ্ৰ, বৃহস্পতি৷ শুভ সংখ্যা ২, ৩৷ শুভ ৰং গুলপীয়া৷ আপুনি হাতত লোৱা কামবিলাক আৰম্ভ কৰিবলৈ লওঁতে প্ৰথমে বিৰোধীৰ বিৰূপ মন্তব্য শুনিবলৈ পাব৷

সিংহঃ শুভ কাৰক গ্ৰহ ৰবি, মঙল৷ শুভ সংখ্যা ১, ৩৷ শুভ ৰং মুগা৷ ব্যৱসায়ত শুভ৷ পাৰিবািৰক জীৱন শুভাশুভ মিশ্ৰিত৷ সকলো কথাতে মইবৰ হৈ ওফাইদাং মাৰি কথা ক’লে অপদস্থ হ’ব পাৰে৷ কামত আগভাগ লৈ ভাল পাব৷ কোনোৱে লোক-নিন্দা শুনিবলৈ পাব৷

কন্যাঃ শুভ কাৰক গ্ৰহ শনি, বুধ৷ শুভ সংখ্যা ৫, ৭৷ শুভ ৰং ক’লা৷ ধৰ্মীয় অনুষ্ঠানত জড়িত থাকি ভাল পাব৷ প্ৰশংসা পাব৷ ঘৰুৱা পৰিৱেশ আন দিনাতকৈ কিছু উন্নত৷ 

তুলাঃ শুভ কাৰক গ্ৰহ শুক্ৰ, শনি৷ শুভ সংখ্যা ৬, ৭৷ শুভ ৰং কফি৷ মনোবল থাকিব৷ মনৰ জোৰতে বহু কাম হৈ উঠিব৷ আপোনাৰ কথাৰ সুৰে কাৰোবাৰ মনত যাতে আঘাত নিদিয়ে লক্ষ্য ৰাখিব৷

বৃশ্চিকঃ শুভ কাৰক গ্ৰহ মঙল, ৰবি৷ শুভ সংখ্যা ৬, ৭৷ শুভ ৰং গুলপীয়া৷ বিবাহ প্ৰাৰ্থীৰ বিবাহৰ যোগাযোগত শুভ৷ কৰ্মত প্ৰেৰণা লাভ৷ হঠাৎ ভ্ৰমণৰ যো-জা হ’ব পাৰে৷ পৱিত্ৰ স্থান দৰ্শন হ’ব৷

ধনুঃ শুভ কাৰক গ্ৰহ বৃহস্পতি, চন্দ্ৰ৷ শুভ সংখ্যা ২, ৩৷ শুভ ৰং সোণালী৷ শৰীৰ মোটামুটি ভালেই৷ কোনোৱে হঠাৎ দুখ-চুখ পাব পাৰে৷ যি কামতে হাত দিয়ক আপোনাৰ কৰ্মদক্ষতাৰ গুণে উন্নতি হ’ব৷

মকৰঃ শুভ কাৰক গ্ৰহ মঙল, শনি৷ শুভ সংখ্যা ৫, ৬৷ শুভ ৰং ৰূপালী৷ ব্যস্ততাপূৰ্ণ দিন৷ শাৰীৰিক দিশত আমনি কম৷ কাপোৰ, হোটেল, পণ্য দ্ৰব্য, ফাৰ্মাচী আদি ব্যৱসায়ত শুভ৷

কুম্ভঃ শুভ কাৰক গ্ৰহ শনি, শুক্ৰ৷ শুভ সংখ্যা ৬, ৭৷ শুভ ৰং মাখন৷ হিচাপতকৈ বেছি কামৰ বোজা ল’ব লগা হ’ব৷ প্ৰেমত জটিলতা৷ কোনো পাব লগা সু-খবৰটো আহি ঘৰৰ দুৱাৰমুখৰ পৰা ঘূৰি যাব পাৰে৷ 

মীনঃ শুভ কাৰক গ্ৰহ বৃহস্পতি, চন্দ্ৰ৷ শুভ সংখ্যা ২, ৩৷ শুভ ৰং বাদামী৷ লোকৰ উচটনিত কামত হাত দিলে অসুবিধাত পৰিব৷ মন বিষণ্ণ৷ সংগ দোষৰ পৰা সতৰ্ক থাকক৷ মাতৃৰ শৰীৰো দুৰ্বল৷ দাম্পত্য জীৱন শুভাশুভ মিশ্ৰিত৷ অংশীদাৰী ব্যৱসায়ত ক্ষতিৰ সম্ভাৱনা৷ কৰ্মোন্নতিত বিপৰীত লিংগৰ প্ৰভাৱ দেখা যায়৷ আনৰ ভুল-ভ্ৰান্তি আপোনাৰ দৃষ্টিৰ পৰা সাৰি নেযাব৷

Share This