এইসকল ৰোগীয়ে কেতিয়াও এইকেইবিধ পাচলি গ্ৰহণ নকৰিব 

Kakali Deka March 11, 2025

ডিজিটেল ডেস্ক: ইউৰিক এচিড হৈছে আমাৰ শৰীৰৰ পিউৰিনৰ পৰা সৃষ্টি হোৱা এক আৱৰ্জনা সদৃশ সামগ্ৰী। সাধাৰণতে ই প্ৰস্ৰাৱৰ জৰিয়তে নিষ্কাশন হয়। শৰীৰত ইউৰিক এচিডৰ স্তৰ বৃদ্ধি হ’লে আৰ্থ্ৰাইটিছ আৰু বৃক্কৰ পাথৰৰ দৰে সমস্যা হ'ব পাৰে। খোৱা-লোৱাত কিছু সাৱধান হ'লেই এই সমস্যাৰ পৰা বাচি থাকিব পাৰি। 

কেইবিধমান পাচলি এনে আছে, যিয়ে ইউৰিক এচিডৰ স্তৰ বৃদ্ধি কৰিব পাৰে। সেই পাচলিসমূহ হৈছে-

ভেন্দি- 
সুস্বাদু ভেন্দি আঁহ আৰু ভিটামিনসমৃদ্ধ। কিন্তু ইয়াত উচ্চ পৰিমাণৰ পিউৰিন থাকে, যিয়ে ইউৰিক এচিডৰ স্তৰ বৃদ্ধি কৰিব পাৰে। ইউৰিক এচিডৰ সমস্যা থকা ৰোগীসকলে কম পৰিমাণত ভেন্দি গ্ৰহণ কৰিব লাগে।

বেঙেনা-
ইউৰিক এচিডত ভোগাসকলৰ বাবে বেঙেনা খোৱাটোও উপকাৰী নহয়।  বেঙেনাতো পিউৰিন থাকে, যিয়ে ইউৰিক এচিডৰ স্তৰ বৃদ্ধি কৰিব পাৰে।ইউৰিক এচিডৰ সমস্যা থকা ৰোগীয়ে ইয়াক পাৰিলে পৰিহাৰ  কৰিব লাগে।

 

কাঠফুলা-
কাঠফুলা খালেও ইউৰিক এচিডৰ সমস্যা বৃদ্ধি হ'ব পাৰে। ইয়াতো যথেষ্ট পৰিমাণৰ পিউৰিন থাকে। অৱশ্যে, কাঠফুলা  প্ৰ'টিন আৰু এণ্টিঅক্সিডেণ্টৰ এক অতি ভাল উৎস। কিন্তু ইউৰিক এচিডৰ সমস্যা থকা ৰোগীসকলে কাঠফুলা কম পৰিমাণে গ্ৰহণ কৰিব লাগে।

 

পালেং-
পালেং শাক হৈছে এক পুষ্টিসমৃদ্ধ পাচলি। ইয়াত আইৰণ, ভিটামিন চি আৰু আঁহ থাকে যদিও যথেষ্ট পৰিমাণে পিউৰিনো থাকে। ইউৰিক এচিডৰ সমস্যা থকা লোকসকলে পালেং শাক খোৱাটো সীমিত হ'ব লাগে। কিয়নো পালেং শাক  অত্যধিক গ্ৰহণ কৰিলে  ইউৰিক এচিডৰ স্তৰ বৃদ্ধি হ'ব পাৰে।

 

ফুলকবি-
ইউৰিক এচিডৰ সমস্যাত ফুলকবিও অপকাৰী। ইয়াত থকা পিউৰিনৰ বাবে ইউৰিক এচিডৰ স্তৰ প্ৰভাৱিত হ'ব পাৰে। ইউৰিক এচিডৰ সমস্যা থকা ৰোগীয়ে ইয়াক নিয়ন্ত্ৰিত পৰিমাণত গ্ৰহণ কৰিব লাগে।

Share This