দেৱভূমিত আকৌ প্ৰলয়! উত্তৰাখণ্ডৰ প্ৰকৃতিৰ ধ্বংসলীলা

Kakali Deka August 05, 2025

ডিজিটেল ডেস্কঃ উত্তৰাখণ্ডৰ উত্তৰকাশীত ডাৱৰ বিস্ফোৰণৰ বিধ্বংসী ৰূপ দেখা গৈছে।
প্ৰাকৃতিক দুৰ্যোগে যেন এইবাৰ লগ এৰা নাই দেৱভূমি উত্তৰাখণ্ডক।
এইবাৰ উত্তৰকাশীৰ ধাৰালী গাঁৱত ডাৱৰ বিস্ফোৰণ হৈ পাহাৰৰ পৰা বাগৰি অহা  ধ্বংসাৱশেষৰ তলত আবদ্ধ হʼল সম্পূৰ্ণ এখন গাঁও। 

ধ্বংসাৱশেষৰ তীব্ৰতাত উটি গৈছে বাসগৃহ আৰু বহু লোক।
প্ৰত্যক্ষদৰ্শীৰ মোবাইলৰ কেমেৰাত বন্দী হোৱা দৃশ্যত দেখিবলৈ পোৱা গৈছে ঘটনাৰ ভয়াৱহতা।
বিস্ফোৰণত বৰ্তমানলৈ ৫০জনতকৈও অধিক লোক নিৰুদ্দেশ হৈ আছে। ৪ জনৰ মৃত্যুৰ খবৰ, খীৰ গংগাত ধ্বংসাৱশেষৰ সৈতে উটি গৈছে কেইবাজনো লোক।

ইতিমধ্যে প্ৰশাসনে উদ্ধাৰ অভিযান অব্যাহত ৰাখিছে।

Share This