মানৱ দেহত ভিটামিন-বিৰ ভূমিকা

Ratul rajbanshi March 29, 2025

ডিজিটেল ডেস্ক : ভিটামিন অবিহনে শৰীৰৰ পুষ্টি অসম্ভৱ৷ প্ৰতিবিধ ভিটামিনেই আমাৰ দেহত লাগতিয়াল কাৰ্য সম্পাদন কৰে৷ ৰোগ প্ৰতিৰোধ ক্ষমতা অবিহনে আমি সুস্থ শৰীৰ এটা লৈ জীয়াই থাকিব নোৱাৰোঁ৷ এই ৰোগ প্ৰতিৰোধ ক্ষমতাত বিশেষ ভূমিকা লয় ভিটামিন-বিয়ে৷ দেহত প্ৰতিটো সময়তে প্ৰতিৰোধ ক্ষমতা বৃদ্ধি কৰি ৰাখে এইবিধ ভিটামিনে৷

ভিটামিন-বিৰ আঠটা স্তৰ আছে৷ প্ৰতিটো স্তৰে শৰীৰত বেলেগে বেলেগে কাৰ্য সমাপন কৰে৷ ভিটামিন-বি-1 স্নায়ুকোষসমূহ আৰু বিপাক ক্ৰিয়াৰ বাবে অতিকে প্ৰয়োজনীয়৷ ভিটামিন-বি-২ শৰীৰৰ বৃদ্ধি আৰু সুস্বাস্থ্যৰ বাবে দৰকাৰী৷ ভিটামিন-বি-৩-য়ে ৰক্তচাপ নিয়ন্ত্ৰণ, মগজুৰ কাৰ্যক্ষমতা বৃদ্ধি, ক্ষতিকাৰক কলেষ্টৰেল হ্ৰাস, বিষাদগ্ৰস্ততা নিৰ্মূল কৰে৷ ভিটামিন-বি-5-য়ে ছাল, চকু, চুলি, পাচনতন্ত্ৰ আদি ভালে ৰাখে৷ ভিটামিন-বি-৬য়ে কৰ্কট ৰোগ প্ৰতিৰোধ কৰাত সহায় কৰে, চকুৰ দৃষ্টিশক্তি অটুট ৰাখে, হূদৰোগৰ বিভিন্ন সমস্যাৰ পৰা শৰীৰক সুৰক্ষা দিয়ে, তেজত হিমগ্লবিন প্ৰস্তুত কৰে আৰু মহিলাৰ ঋতুস্ৰাৱৰ সমস্যা দূৰ কৰে, শৰীৰৰ বিভিন্ন বাত বিষ আদিৰ পৰা সুৰক্ষা দিয়ে৷

ভিটামিন-বি-6য়ে শৰীৰৰ কোষ বৃদ্ধিত সহায় কৰে, হাড়ৰ মজ্জাত লোহিত ৰক্তকণিকা সৃষ্টিত অৰিহণা যোগায়৷ বায়’টিনে চুলি, নখ, চালৰ পুষ্টিত সহায় কৰে আৰু ই বৃদ্ধিৰ বাবে খুবেই প্ৰয়োজনীয়৷ বায়’টিনে চালত বয়স বৃদ্ধিৰ চাপ পৰাৰ পৰা সুৰক্ষা দিয়ে৷ ভিটামিন-বি-১২য়ে যিকোনো প্ৰতিৰোধ ক্ষমতা বঢ়োৱাত বিশেষ ভূমিকা লয়৷ ই ফলেটৰ লগত যুক্ত হৈ লোহিত ৰক্তকণিকা সৃষ্টি কৰে আৰু স্নায়ুতন্ত্ৰ নিয়ন্ত্ৰিত কৰি ৰাখে৷ এই আঠটা স্তৰেৰে পৰিপূৰ্ণ হৈছে ভিটামিন-বি কমপ্লেক্স৷

Share This