প্ৰমিকক হত্যা, ২৪ বছৰীয়া যুৱতীক মৃত্যুদণ্ড

Dainik Janambhumi January 21, 2025

ডিজিটেল ডেস্কঃ  কেৰালাৰ তিৰুৱনন্তপুৰমৰ জিলা আদালতে সোমবাৰে এগৰাকী ২৪ বছৰীয়া যুৱতীৰ বিৰুদ্ধে মৃত্যুদণ্ডৰ ৰায় দিয়ে৷ যুৱতীগৰাকীয়ে ২০২২ চনৰ অক্টোবৰ মাহত আয়ুৰ্বেদিক টনিকত বিহ মিহলাই নিজৰ প্ৰেমিকক খুৱাই হত্যা কৰিছিল৷ যুৱতীগৰাকীৰ বিয়া আন এজন যুৱকৰ সৈতে ঠিক হৈছিল৷ সেয়ে প্ৰেমিকজনৰ পৰা পৰিত্ৰাণ পাবলৈ যুৱতীগৰাকীয়ে তেওঁক হত্যা কৰে৷ 

হত্যাত সহযোগ কৰা তথা প্ৰমাণ ধবংস কৰাত যুৱতীগৰাকীৰ খুৰাকো দোষী সাব্যস্ত হয় আৰু তেওঁক ৩ বছৰৰ কাৰাদণ্ড বিহা হয়৷ যুৱতীগৰাকীৰ অভিযুক্ত মাতৃক সাক্ষ্য-প্ৰমাণৰ অভাৱত আদালতে খালাচ দিয়ে৷ মৃত্যুদণ্ডৰ ৰায়দান কৰি আদালতে কয়, ‘এইটো হৈছে বিৰলৰো বিৰল ঘটনা৷ যুৱতীগৰাকীয়ে সেইজন ব্যক্তিক বিশ্বাসঘাতকতা কৰিলে, যিজনে তেওঁক ভাল পাইছিল৷ ইয়াৰ দ্বাৰা সমাজলৈ ভাল বাৰ্তা নগ’ল৷

Share This