আজি শাওণ মাহৰ প্ৰথমটো সোমবাৰ;  মহা মৃত্যুঞ্জয় মন্দিৰত পুৱাৰে পৰা অগণন ভক্তৰ ভিৰ

Rashmi July 21, 2025

ডিজিটেল ডেস্কঃ আজি পবিত্ৰ শাওণ মাহৰ প্ৰথমটো সোমবাৰ। লোকবিশ্বাস মতে শাওণৰ মাহেই হৈছে মহাদেৱৰ প্রিয় মাহ। শাওণ মাহ হৈছে অসমীয়া বৰ্ষৰ চতুৰ্থ মাহ। ৰাজ্যৰ বিভিন্ন প্ৰান্তৰ শিৱমন্দিৰসমূহত দেখা গৈছে অগণন ভক্তৰ ভিৰ।ব্যতিক্ৰম নহয় নগাঁও।

নগাঁৱৰ ভেৰভেৰিস্থিত মহা মৃত্যুঞ্জয় মন্দিৰতো পৰিলক্ষিত হৈছে পুৱাৰে পৰা অগণন ভক্তৰ ভিৰ।

পুৱাৰে পৰা ভক্তই মহাদেৱৰ শ্ৰীশৰণত ধূপ-দীপ-নৈবেদ্যৰে পূজা-অৰ্চনা কৰিলে মহামৃত্যুঞ্জয় মন্দিৰত।  পুৱতি নিশাৰ পৰা হাজাৰ হাজাৰ ভক্তই জল অভিষেক কৰে এছিয়াৰ ভিতৰত সৰ্ববৃহৎ লিংগাকাৰ মন্দিৰভাগত।

ৰাইজৰ সুবিধাৰ প্ৰতি লক্ষ্য ৰাখি প্ৰশাসন তথা মন্দিৰ পৰিচালনা সমিতিয়ে সুন্দৰ ব্যৱস্থা গ্ৰহণ কৰিছে। সকলো ভক্তপ্ৰাণ ৰাইজৰ উপস্থিত কামনা কৰিছে আয়োজক সমিতিয়ে।


উৎস : প্ৰাগ নিউজ ডিজিটেল

Share This