টিকটকৰ বিষয়ে কঠোৰ মন্তব্য ড’নাল্ড ট্ৰাম্পৰ

Kakali Deka January 23, 2025

ডিজিটেল ডেস্কঃ  আমেৰিকাৰ ৰাষ্ট্ৰপতি হিচাপে দ্বিতীয়বাৰৰ বাবে কাৰ্যকাল আৰম্ভ কৰিয়েই ড’নাল্ড ট্ৰাম্পে পুনৰ টিকটকৰ বিষয়ে কঠোৰ মন্তব্য আগবঢ়াইছে। চীনৰ মালিকানাধীন এই ভিডিঅ’ শ্বেয়াৰিং এপটোৱে আমেৰিকাৰ ৰাষ্ট্ৰীয় নিৰাপত্তাৰ বাবে ভয়ংকৰ ভাবুকি সৃষ্টি কৰিব পাৰে বুলি তেওঁ দৃঢ়ভাৱে উল্লেখ কৰিছে। বৃহস্পতিবাৰে ফক্স নিউজক দিয়া এক সাক্ষাৎকাৰত ট্ৰাম্পে স্পষ্টকৈ কৈছে, “ ইমান প্ৰয়োজন নে? চীনে আমেৰিকাৰ যুৱ প্ৰজন্মৰ ওপৰত নজৰ ৰাখিবলৈ টিকটক ব্যহাৰ কৰিব পাৰে নেকি!”

ট্ৰাম্পৰ মতে, টিকটক কেৱল বিনোদনমূলক এপ নহয়, বৰঞ্চ আমেৰিকাৰ জনসাধাৰণৰ ব্যক্তিগত তথ্য চীনৰ হাতত পৰিবলৈ সহায়ক মাধ্যম হিচাপে কাম কৰি আছে এই এপে। ব্লুমবাৰ্গৰ এক প্ৰতিবেদনত উল্লেখ কৰা তথ্য অনুসৰি, টিকটকে ব্যৱহাৰকাৰীৰ নাম, ঠিকনা, ক্ৰেডিট কাৰ্ডৰ তথ্য, ক্ৰয়ৰ তথ্য, ডিভাইচ আৰু নেটৱৰ্কৰ তথ্য, জি পি এছ স্থান, বায়’মেট্ৰিক চিনাক্তকৰণ আদিৰ লগতে ব্যৱহাৰকাৰীৰ আচৰণৰ তথ্যও সংগ্ৰহ কৰে। যদিও টিকটকৰ মালিক বাইটডান্সে এই অভিযোগ অস্বীকাৰ কৰিছে, তথাপি ট্ৰাম্পৰ মতে এই তথ্যসমূহ চীনৰ গোপন গোচৰ গৱেষণাৰ অংশ হ’ব পাৰে।

ইয়াৰ আগতেও ২০২০ চনত ট্ৰাম্পে টিকটক নিষিদ্ধ কৰিবলৈ চেষ্টা কৰিছিল, কিন্তু আইনী প্ৰক্ৰিয়াৰ মাজত সেই প্ৰয়াস ব্যৰ্থ হৈছিল। এইবাৰ পুনৰ ৰাষ্ট্ৰপতি হোৱা মাত্ৰেই তেওঁ টিকটকক উদ্দেশ্য কৰি  কৌশলী পদক্ষেপ ল’বলৈ আৰম্ভ কৰিছে। যদিও তেওঁ প্ৰথম দিনাই টিকটক নিষিদ্ধ কৰাৰ সিদ্ধান্ত লোৱা নাই, তথাপি কোম্পানীটো ৭৫ দিনৰ ভিতৰত বিক্ৰী কৰিবলৈ নিৰ্দেশনা দিছে। লগতে, ট্ৰাম্পে ইলন মাস্কক এই প্লেটফৰ্মটো ক্ৰয় কৰিবলৈ আহ্বান জনাইছে, যাতে ই আমেৰিকাৰ অন্তৰ্গত হৈ থাকে।

বিশ্লেষকৰ মতে, ট্ৰাম্পৰ এই সিদ্ধান্ত কেৱল ৰাষ্ট্ৰীয় নিৰাপত্তাৰ প্ৰশ্ন নহয়, বৰঞ্চ ইয়াত গভীৰ ৰাজনৈতিক প্ৰভাৱো আছে। টিকটক বিশেষকৈ আমেৰিকাৰ যুৱ প্ৰজন্মৰ মাজত জনপ্ৰিয়তাৰ শিখৰত আছে, আৰু ২০২৪ ৰ নিৰ্বাচনৰ সময়ত এই এপটোৱে সমাজিক মাধ্যমত বহুত প্ৰভাৱ পেলাইছিল। সেয়েহে, কিছু বিশেষজ্ঞৰ মতে, ট্ৰাম্পৰ এই পদক্ষেপ চীনৰ গোচৰ সংক্ৰান্তীয় বিষয়তকৈ বেছি কৌশলগত ৰাজনৈতিক অভিসন্ধি।

টিকটকৰ ভৱিষ্যৎ সময়ত নিৰ্ধাৰণ হ’ব, কিন্তু আমেৰিকাৰ ৰাজনীতি, ৰাজনৈতিক প্ৰচাৰ আৰু ডিজিটেল দুনিয়াত ইয়াৰ প্ৰতিফলন বহুদিন ধৰি থাকিব।

Share This