মহিলাৰ অনূৰ্ধ্ব-১৯ টি-২০ বিশ্ব কাপত জয়েৰে অভিযান আৰম্ভ ভাৰতৰ

Kakali Deka January 20, 2025

ডিজিটেল ডেস্ক : ভাৰতে মহিলাৰ অনূৰ্ধ্ব-১৯ টি-২০ বিশ্ব কাপত জয়েৰে অভিযান আৰম্ভ কৰিছে৷ খিতাপ অক্ষুণ্ণ ৰখাৰ যুঁজত দেওবাৰে ভাৰতে ৱেষ্ট ইণ্ডিজক সহজেই ৯ উইকেটত পৰাজিত কৰে৷ ভাৰতীয় বলাৰে বিধবংসী বলিঙেৰে ৱেষ্ট ইণ্ডিজক ১৩.২ অ’ভাৰত মাথোঁ ৪৪ ৰানতে সীমিত ৰাখে৷

ৱেষ্ট ইণ্ডিজৰ হৈ কেনিকা কাছাৰে ২৯টা বলত সৰ্বাধিক ১৫ আৰু অ’পেনাৰ আছবী কেলেণ্ডাৰে ১২ ৰানৰ বৰঙনি যোগায়৷ পাঁচগৰাকী বেটাৰে কোনো ৰান গোটোৱাত ব্যৰ্থ হয়৷ ভাৰতৰ বাওঁহতীয়া স্পীনাৰদ্বয় পৰুনিকা ছিছ’ডিয়াই তিনিটা আৰু আয়ুসী শুক্লাই দুটা উইকেট দখল কৰাৰ বিপৰীতে পেচাৰ ভি জে বে জুছিথাই দুটা উইকেটৰ পতন ঘটায়৷ প্ৰত্যুত্তৰত ভাৰতে গ্ৰুপ ‘এ’-ৰ খেলখনত মাথোঁ ৪.২ অ’ভাৰতে ৪৫ ৰানৰ লক্ষ্য অতিক্ৰম কৰে৷ অ’পেনাৰ তৃষা জিৰ (৪) উইকেট হেৰুৱাই ভাৰতে ৪৭ ৰান কৰি জয় সাব্যস্ত কৰে৷

Share This