বাংলাদেশত 'খালেদা জিয়া'ৰ অনলাইন ভাষণে ঘটালে বিদ্বেষৰ বিস্ফোৰণ

Dainik janambhumi February 06, 2025

ডিজিটেল ডেস্ক: বাংলাদেশত কেইবাখনো মহানগৰত পুনৰ ব্যাপক হাৰত হিংসাত্মক ঘটনা ঘটে। দেশখনৰ পদচ্যুৎ প্রধানমন্ত্রী শ্বেখ হাছিনাৰ আৱামী লীগৰ আহ্বান জনোৱা প্ৰতিবাদৰ আগে আগে এই ঘটনা ঘটে। ৰাজধানী ঢাকাত প্ৰতিবাদকাৰীয়ে বাংলাদেশৰ প্ৰতিষ্ঠাপক তথা বংগবন্ধু শ্বেখ মুজিবুৰ ৰহমানৰ বাসভৱনত আক্রমণ কৰে। 

প্ৰতিবাদকাৰীয়ে ধনমণ্ডীত থকা মুজিবুৰ ৰহমানৰ বাসভৱনত বলপূর্বক প্রবেশ কৰে আৰু ব্যাপক হাৰত ধ্বংসলীলাৰ সৃষ্টি কৰে। সামাজিক মাধ্যমত 'বুলড'জাৰ মাৰ্চ'ৰ ঘোষণাৰ পাছতে হিংসাত্মক ঘটনা ঘটে। শ্বেখ হাছিনাৰ পিতৃ শ্বেখ মুজিবুৰ ৰহমানৰ ঘৰত আক্ৰমণ কৰাৰ সময়ত তাত নিৰাপত্তাৰক্ষী উপস্থিত আছিল। তেওঁলোকে প্ৰতিবাদকাৰীক বাসভৱনত প্ৰৱেশ কৰাত বিভিন্ন ধৰণে বাধা দিয়ে যদিও সফল নহ'ল। একাংশ উপদ্ৰৱকাৰী তেওঁৰ বাসভৱনত থকা সংগ্ৰহালয়টো প্ৰৱেশ কৰি ভাঙি চুৰমাৰ কৰে। তাত থকা বংগবন্ধুৰ প্ৰতিচ্ছবিতো আক্রমণ কৰি ক্ষতি কৰে। পাছত উন্মত্ত হৈ পৰা প্ৰতিবাদকাৰীসকলে বংগবন্ধুৰ বাসভৱনত অগ্নিসংযোগো কৰে।

জানিব পৰা মতে একাংশ লোকে বংগবন্ধুৰ বাসভৱনলৈ বুলড'জাৰো লৈ গৈছিল। উল্লেখযোগ্য যে দেশখনৰ প্ৰাক্তন প্রধানমন্ত্রী শ্বেখ হাছিনাই অনলাইনযোগে ভাষণ দিয়ে। তেওঁৰ ভাষণৰ বিৰোধিতা কৰি প্ৰতিবাদকাৰীয়ে ধনমণ্ডী-৩২ৰ পৰা বুলড'জাৰ মাৰ্চ কৰাৰ ঘোষণা কৰিছিল। প্ৰতিবাদকাৰীসকলে নিশা ৯ বজাৰ পাছত বংগবন্ধুৰ ঘৰ ধ্বংস কৰাৰ ভাবুকি 'দিছিল। কিন্তু প্রতিবাদকাৰী নিশা ৮ বজাত তাত গোট খায়। ইফালে শ্বেখ হাছিনাই আহ্বান জনোৱা প্ৰতিবাদৰ আগে আগে বাংলাদেশ চৰকাৰে তেওঁৰ আৱামী লীগৰ হাজাৰ হাজাৰ নেতা-কর্মীক গ্ৰেপ্তাৰ কৰে। দলটোৰ কর্মীসকলে কাইলৈ পৰিবহণ ব্যৱস্থা অচল কৰা আৰু ৰাষ্ট্ৰীয় পথকে ধৰি বিভিন্ন পঞ্চদান্ত বাধ্য কাৰ্যসূচী হাতত লৈছে।

Share This