কুলগামৰ বনাঞ্চলত এনকাউন্টাৰত ৬টা সন্ত্রাসবাদী নিহত

dainik janambhumi August 04, 2025

ডিজিটেল ডেস্কঃ দক্ষিণ কাশ্মীৰৰ কুলগাম জিলাৰ আখাল বনাঞ্চলত শুকুৰবাৰৰ পৰা জম্মু-কাশ্মীৰ আৰক্ষী, সেনা আৰু চি আৰ পি এফে যুটীয়াভাৱে সন্ত্রাসবাদীৰ বিৰুদ্ধে অভিযান চলাই আছে। চোৰাংচোৱাৰ গোপন খবৰৰ ভিত্তিত সন্ত্রাসবাদীৰ সন্ধানত নিৰাপত্তা বাহিনীয়ে বনাঞ্চলখন ঘেৰাও কৰি অভিযান চলাই আছে।

চলিত বৰ্ষৰ ভিতৰতে বৃহত্তম অভিযান হিচাপে পৰিগণিত হোৱা এই অভিযানটোৱে তৃতীয় দিনত ভৰি দিলে। এই অভিযানটোত বর্তমানলৈকে ছটা সন্ত্রাসবাদী নিৰাপত্তা বাহিনীৰে সংঘৰ্ষত নিহত হৈছে। আনহাতে, পহলগাম-কাণ্ডৰ পাছত নিৰাপত্তা বাহিনীয়ে চলোৱা এই ব্যাপক অভিযানত শনিবাৰে নিৰাপত্তা বাহিনীয়ে ৩টা সন্ত্রাসবাদীক হত্যা কৰে আৰু এজন সেনাৰ জোৱান আহত হৈছে।

আনহাতে, আখাল বনাঞ্চলত শনিবাৰে গোটেই নিশা বিস্ফোৰণ আৰু গুলীয়াগুলী চলি থাকে। নিৰাপত্তা বাহিনীয়ে সন্ত্রাসবাদীৰ বিৰুদ্ধে চলোৱা এই ব্যাপক অভিযান চলিয়েই আছে।

Share This