মৃত্যুৰ পাছত মানুহ কʼলৈ যায়- ইণ্টাৰনেটত তথ্য খুঁচৰি কিশোৰীৰ আত্মহত্যা 

Kakali Deka January 29, 2025

ডিজিটেল ডেস্কঃ  মহাৰাষ্ট্ৰৰ নাগপুৰ চহৰত ১৭ বছৰীয়া কিশোৰী এগৰাকীৰ আত্মহননৰ অন্তৰালৰ কাহিনীয়ে তুমুল খলকনিৰ সৃষ্টি কৰিছে।

সোমবাৰে কিশোৰীগৰাকীয়ে ইণ্টাৰনেটত খুঁচৰিছিল মৃত্যুৰ পাছত মানুহ ক'লৈ যায়জাতীয় তথ্য। দ্বাদশ শ্রেণীত অধ্যয়নৰত ছাত্ৰীগৰাকী পিতৃ-মাতৃৰ একমাত্র সন্তান আছিল।
 
ইণ্টাৰনেটত প্রায়ে ছাত্ৰীগৰাকীয়ে মৃত্যু সংক্ৰান্তীয় তথ্যৰ লগতে বিদেশী সংস্কৃতিৰ তথ্য বিচাৰি ফুৰিছিল। ছাত্ৰীগৰাকীৰ পিতৃ নাগপুৰৰ ভাৰতীয় ৰিজার্ভ বেংকৰ মাণ্ডলিক বিষয়া আছিল।

সোমবাৰে নিশা কিশোৰীগৰাকীয়ে ইণ্টাৰনেটত অন্তিমবাৰৰ বাবে এই তথ্য বিচাৰি অৱশেষত আত্মহননৰ পথ বাছি লয়। ছুৰীৰে ডিঙি ৰেপি আত্মহত্যা কৰে কিশোৰীগৰাকীয়ে। স্বাভাৱিকতে ঘটনাটোৱে অঞ্চলজুৰি চাঞ্চল্যৰ সৃষ্টি কৰিছে।

Share This