বেলুছিস্তানত ১৮জোৱান, ২৩ সন্ত্ৰাসবাদী নিহত

Dainik janambhumi February 03, 2025

ডিজিটেল ডেস্কঃ পাকিস্তানৰ দক্ষিণ-পশ্চিম অশান্ত বেলুছিস্তান প্রদেশত নিৰাপত্তাৰক্ষী আৰু সন্ত্রাসবাদীৰ মাজত হোৱা সংঘর্ষত কমেও ১৮জন নিৰাপত্তা বাহিনীৰ লোক আৰু ২৩টা সন্ত্রাসবাদী নিহত হয়। পাকিস্তানৰ সেনাই সদৰী কৰা অনুসৰি, বিগত ২৪ ঘণ্টাত সংঘর্ষ জৰ্জৰিত বেলুছিস্তানৰ বিভিন্ন এলেকাত সন্ত্রাসবাদীবোৰ নিহত হয়।

 

শনিবাৰে প্ৰদেশখনৰ হাৰনাই জিলাত চলোৱা এটা অভিযানত পাকিস্তানৰ সেনাই ১১টা সন্ত্রাসবাদীক হত্যা কৰে আৰু কেইবাটাও সন্ত্রাসবাদীৰ ঘাটি ধ্বংস কৰে। আনহাতে, কালাটৰ মংগুছাৰ এলেকাত সন্ত্রাসবাদীয়ে পথ অৱৰোধ কৰিবলৈ চেষ্টা চলাওঁতে নিৰাপত্তা বাহিনীৰে হোৱা সংঘৰ্ষত ১২টা সন্ত্রাসবাদী নিহত হয়। পাকিস্তানী সেনাই কয় যে কেৱল বেলুছিস্তানৰ পৰাই নহয়, সমগ্র পাকিস্তানৰ পৰা সন্ত্রাসবাদৰ আতংক নির্মূল কৰিবলৈ নিৰাপত্তা বাহিনী সংকল্পবদ্ধ হৈছে।

 

আনহাতে, এদিনৰ পূৰ্বে দেশখনৰ খাইবাৰ পাখটুনখাৱা প্ৰদেশতো নিৰাপত্তা বাহিনীয়ে সন্ত্রাসবাদীৰ বিৰুদ্ধে ব্যাপক অভিযান চলাইছিল।

Share This