১৯ বছৰৰ পাছত উচ্চ ন্যায়ালয়ৰ এক ডাঙৰ ৰায় মুম্বাই ৰে'ল বিস্ফোৰণত জড়িত ১২জন অভিযুক্তক দোষমুক্ত ঘোষণা

Kakali Deka July 21, 2025

ডিজিটেল ডেস্ক : আজি বম্বে উচ্চ ন্যায়ালয়ে প্ৰদান কৰিলে এক ডাঙৰ ৰায় । এক ভয়ংকৰ দুৰ্ঘটনাত অভিযুক্ত ১২জন লোকক নিৰ্দোষী সাব্যস্ত আদালতৰ। জানিব পৰা মতে, ২০০৬ চনত মুম্বাইত হোৱা বিস্ফোৰণত এই ১২ অভিযুক্ত প্ৰথম অৱস্থাত দোষী সাব্যস্ত হৈছিল।

২০০৬ চনত মুম্বাইত সংঘটিত হোৱা ৰে’ল বিস্ফোৰণত ১৮৯ জন লোকৰ মৃত্যু হোৱাৰ লগতে ৮০০ৰো অধিক লোক আহত হোৱাৰ প্ৰায় ১৯ বছৰৰ পাছত আজি বম্বে উচ্চ ন্যায়ালয়ে বিচাৰ আদালতে দোষী সাব্যস্ত কৰা ১২জন লোকক দোষমুক্ত কৰে। ২০১৫ চনত বিচাৰ আদালতে এই ১২জন অভিযুক্তক দোষী সাব্যস্ত কৰি ইয়াৰে পাঁচজনক মৃত্যুদণ্ড আৰু বাকীসকলক যাৱজ্জীৱন কাৰাদণ্ড বিহিছিল।

এক প্ৰতিবেদন অনুসৰি ন্যায়াধীশ অনিল কিলোৰ আৰু ন্যায়াধীশ শ্যাম চন্দকৰ বিচাৰপীঠে কয় যে বিচাৰ বিভাগে যুক্তিসংগত সন্দেহৰ বাহিৰত গোচৰটো প্ৰমাণ কৰাত সম্পূৰ্ণৰূপে ব্যৰ্থ হৈছে। কেৱল এয়াই নহয়, আদালতে প্ৰায় সকলো বিচাৰ বিভাগৰ সাক্ষীৰ বক্তব্য অবিশ্বাস্য বুলি বিৱেচনা কৰে। খবৰ অনুসৰি বিস্ফোৰণৰ প্ৰায় ১০০ দিনৰ পাছতো টেক্সি চালক বা ভিতৰত উপস্থিত থকা ৰাইজে অভিযুক্তক স্মৰণ কৰাৰ কোনো কাৰণ নাই বুলি আদালতে জানিবলৈ দিয়ে।

এতিয়া যদি আমি গোটেই গোচৰটোৰ কথা কওঁ তেন্তে ২০০৬ চনৰ ১১ জুলাইত ধাৰাবাহিকভাৱে বোমা বিস্ফোৰণ হৈছিল। ইয়াত ১৮৯জন লোকৰ মৃত্যু হৈছিল আৰু ৮২৪জন লোক আহত হৈছিল। এম চি অ’ চি এৰ অধীনত দীৰ্ঘদিনীয়া শুনানিৰ অন্তত ২০১৫ চনৰ অক্টোবৰ মাহত বিশেষ আদালতে পাঁচজন অভিযুক্তক মৃত্যুদণ্ড আৰু ৭জনক যাৱজ্জীৱন কাৰাদণ্ডৰ শাস্তি প্ৰদান কৰে। সকলোকে বোমা বিস্ফোৰণ কৰাৰ অপৰাধত দোষী সাব্যস্ত কৰা হয়।

২০২১ চনত কাৰাগাৰত থকাৰ সময়তে কমল আনছাৰীৰ মৃত্যু হৈছিল কভিডত। যাৱজ্জীৱন কাৰাদণ্ডৰ শাস্তি লাভ কৰা অভিযুক্তসকলৰ ভিতৰত আছে তনবীৰ আহমেদ আনছাৰী, মহম্মদ মজিদ শ্বাফি, শ্বেখ মহম্মদ আলী আলম, মহম্মদ চাজিদ মাৰ্গুব আনছাৰী, মুজাম্মিল আতাউৰ ৰহমান শ্বেখ, চুহেইল মাহমুদ শ্বেখ আৰু জমিৰ আহমেদ লতিফুৰ ৰহমান শ্বেখ ।

Share This