২খন নাৱৰ সৈতে ৩৪জন ভাৰতীয় মাছমৰীয়াক আটক ; আন্তঃৰাষ্ট্ৰীয় সামুদ্ৰিক সীমাৰেখা পাৰ হৈ বাংলাদেশৰ জলসীমাত মাছ ধৰাৰ অভিযোগ

Rashmi July 19, 2025

ডিজিটেল ডেস্কঃ বাংলাদেশে নিজৰ জলসীমাত মাছ ধৰাৰ অভিযোগত ৩৪জন ভাৰতীয় মাছমৰীয়াক গ্ৰেপ্তাৰ কৰাৰ বিপৰীতে ভাৰত চৰকাৰে তেওঁলোকৰ নিৰাপদ আৰু আগতীয়াকৈ ঘূৰি অহাটো নিশ্চিত কৰিবলৈ ঢাকাক হেঁচা প্ৰয়োগ কৰিছে। 

শুকুৰবাৰে চৰকাৰী সূত্ৰই এই তথ্য প্ৰদান কৰে। সূত্ৰই জনোৱা মতে, ১৪ আৰু ১৫ জুলাইৰ মাজৰ নিশা মাছমৰীয়াকেইজনক গ্ৰেপ্তাৰ কৰাৰ লগতে তেওঁলোকৰ দুখন নাও জব্দ কৰা হৈছে।

তেওঁ কয় যে ঘটনা সন্দৰ্ভত তথ্য লাভ কৰাৰ লগে লগে বাংলাদেশত থকা ভাৰতীয় উচ্চায়ুক্তই কূটনৈতিক মাধ্যমেৰে বাংলাদেশ কৰ্তৃপক্ষৰ ওচৰত বিষয়টো উত্থাপন কৰি মাছমৰীয়াসকলক তাৎক্ষণিকভাৱে কনছুলাৰ সুবিধা প্ৰদান কৰে। এক সূত্ৰই কয় যে, "আমি সকলো মাছমৰীয়াৰ নাৱৰ লগতে নিৰাপদ আৰু আগতীয়াকৈ ঘূৰি অহাটো নিশ্চিত কৰাৰ বাবে নিৰন্তৰ প্ৰচেষ্টা চলাই আছোঁ।"

সূত্ৰৰ পৰা জানিব পৰা মতে, বাংলাদেশ কৰ্তৃপক্ষই মংগলাৰ সমীপত মুঠ ৩৪জন ভাৰতীয় মাছমৰীয়াক আটক কৰাৰ লগতে তেওঁলোকৰ নাও দুখন এফ বি ঝোৰ আৰু এফ বি মামগল চণ্ডীও জব্দ কৰিছে। আন্তঃৰাষ্ট্ৰীয় সামুদ্ৰিক সীমাৰেখা পাৰ হৈ বাংলাদেশৰ জলসীমাত মাছ ধৰাৰ অভিযোগ বাংলাদেশ কৰ্তৃপক্ষই ভাৰতীয় নাগৰিকৰ বিৰুদ্ধে উত্থাপন কৰিছে।

ভাৰত-বাংলাদেশৰ সম্পৰ্কত চলি থকা উত্তেজনাৰ মাজতে এই ঘটনা সংঘটিত হৈছে। বিগত বর্ষৰ আগষ্ট মাহত বাংলাদেশত চৰকাৰৰ বিৰুদ্ধে ব্যাপক প্রতিবাদৰ পাছতে ক্ষমতাচ্যুত প্রধানমন্ত্রী শ্বেখ হাছিনাই ঢাকা এৰি ভাৰতত আশ্রয় লোৱাৰ পাছত দুয়োখন দেশৰ মাজত সম্পর্কৰ অৱনতি ঘটিছে৷


উৎস : প্ৰাগ নিউজ ডিজিটেল

Share This