তৃতীয় টি-২০-ত ইংলেণ্ড জয়ী

Dainik janambhumi January 29, 2025

ডিজিটেল ডেস্কঃ ভাৰতক মঙলবাৰে তৃতীয় টি-২০ ক্রিকেটত ২৬ ৰানত হৰুৱাই ৫খনীয়া শৃংখলাৰ ব্যৱধান ১-২ লৈ হ্রাস কৰে ইংলেণ্ডে। আলহী দল ইংলেণ্ডৰ ৯ উইকেটত ১৭১ ৰানৰ প্ৰত্যুত্তৰত ভাৰতে ৯ উইকেটত ১৪৫ ৰানহে কৰিবলৈ সক্ষম হয়। ভাৰতৰ ইনিংছত হার্দিক পাণ্ডিয়াই সর্বাধিক ৪০, অভিষেক শর্মাই ২৪ আৰু তিলক বার্মাই ১৮ ৰান কৰি আউট হয়।

ইয়াৰ আগেয়ে বৰুণ চক্রৱর্তীয়ে ২৪ ৰানত দখল কৰা ৫টা উইকেটৰ সহায়ত ইংলেণ্ডক ৯ উইকেটত ১৭১ ৰানত সীমিত ৰাখিছিল ভাৰতে। বেন ডাকেটৰ (২৮ বলত ৫১) দ্রুত অর্ধশতৰানৰ সহায়ত ইংলেণ্ডে দৃঢ়তাপূর্ণ আৰম্ভণিয়েই কৰিছিল। এটা সময়ত ১ উইকেটত ৮৩ ৰান কৰা ইংলেণ্ডে পৰৱর্তী সময়ত বৰুণৰ বলত তিষ্ঠিব নোৱাৰি ১২৭ ৰানত হেৰুৱায় আঠটা উইকেট।

নৱম উইকেটৰ ৰূপত আউট হোৱাৰ আগেয়ে লিয়াম লিভিংষ্টনে ২৪টা বলত ১টা চাৰি আৰু ৫টা ছয়েৰে দলৰ হৈ দ্বিতীয় সর্বাধিক ৪৩ ৰানৰ অৱদান যোগায়। ভাৰতৰ হৈ বৰুণে ২৪ ৰানত ৫টা আৰু হার্দিক পাণ্ডিয়াই পায় দুটা উইকেট। ১৪ মাহৰ বিৰতিত আন্তর্জাতিক ক্রিকেটলৈ উভতি অহা মহম্মদ ছামীয়ে ৩ অ'ভাৰত ২৫ ৰান খৰচ কৰি এটা উইকেটো নাপালে।

Share This