১০ বছৰত আদালতৰ গোচৰৰ বাবদ ৪০০ কোটি ব্যয়

dainik janambhumi February 27, 2025

ডিজিটেল ডেস্ক: যোৱা ১০ বছৰত চৰকাৰে আদালতৰ গোচৰৰ বাবত ৪০০ কোটিতকৈও অধিক ব্যয় কৰিছে। চৰকাৰী সূত্ৰত এই কথা প্রকাশ পাইছে। ২০২৩-২৪ বিত্তীয় বর্ষত মোকৰ্দমাৰ ব্যয়ৰ নামত কেন্দ্ৰীয় চৰকাৰে ৬৬ কোটি টকা ব্যয় কৰে। এই ব্যয় পূৰ্বৰ বৰ্ষতকৈ প্ৰায় ৯ কোটি টকা অধিক। মোকৰ্দমাৰ ব্যয় ২০১৪-১৫ৰ পাছত অধিক বৃদ্ধি পায়। 

অৱশ্যে, কভিড মহামাৰীৰ সময়ত দুটা বিত্তীয় বর্ষত এনে ব্যয় হ্রাস পাইছিল। লোক সভাৰ চলিত বাজেট অধিৱেশনৰ সময়ত উত্থাপিত প্ৰশ্নৰ উত্তৰত চৰকাৰে এই কথা প্রকাশ কৰিছে। কেইদিন পূৰ্বে ৰাজ্য সভাত আইন মন্ত্ৰ্যালয়ে কৈছিল যে আদালতত চৰকাৰ এটা পক্ষ হিচাপে থকা প্রায় ৭ লাখ গোচৰ নিষ্পত্তি নোহোৱাকৈ পৰি আছে। চৰকাৰে এক ৰাষ্ট্ৰীয় মোকৰ্দমা নীতি গ্ৰহণ কৰি বিবেচনাধীন গোচৰসমূহ খৰতকীয়াকৈ নিষ্পত্তি কৰিব বুলি সূত্রসমূহে লগতে কয়। কেন্দ্রীয় কেবিনেটত এই সন্দৰ্ভত চূড়ান্ত সিদ্ধান্ত গ্রহণ কৰা হ'ব।

Share This