৪-১ত ভাৰতৰ শৃংখলা জয়

dainik janambhumi February 03, 2025

ডিজিটেল ডেস্ক: অভিষেক শৰ্মাৰ (১৩৫) বিস্ফোৰক শতৰানৰ লগতে বলাৰৰ নিয়ন্ত্ৰিত বলিঙৰ সহায়ত ইংলেণ্ডক পঞ্চম তথা অন্তিম টি-২০ ক্রিকেটত ১৫০ ৰানত হৰুৱাই ভাৰতে পাঁচখনীয়া শৃংখলা ৪-১ ব্যৱধানত দখল কৰে। প্ৰথমে বেট ধৰা ভাৰতে অভিষেকৰ ৫৪টা বলত ৭টা চাৰি আৰু ১৩টা ছয় সম্বলিত ১৩৫ ৰানৰ জৰিয়তে ৯ উইকেটত ২৪৭ ৰান কৰে।

 দলৰ হৈ শিভম ডুবেই ৩০ আৰু তিলক বার্মাই ২৪ ৰানৰ বৰঙনি আগবঢ়ায়। পৰৱৰ্তী সময়ত ভাৰতে আকর্ষণীয় বলিঙেৰে ইংলেণ্ডক মাথোঁ ৯৭ ৰানত সীমিত ৰাখি সহজেই জয়লাভ কৰে। ইংলেণ্ডৰ ইনিংছত কেৱল দুগৰাকী -বেটাৰ ফিলিপ ছল্টে সর্বাধিক ৫৫ আৰু জেকৱ বেথেলে ১০ ৰান কৰে। 

আলহী দলটোৰ আন কোনো বেটাৰে দুটা অংকৰ ৰান গোটোৱাত ব্যর্থ হয়। ভাৰতৰ হৈ মহম্মদ ছামীয়ে সর্বাধিক ৩টা, বৰুণ চক্ৰৱৰ্তী, শিভম ডুবে আৰু অভিষেক শর্মাই দুটাকৈ উইকেট দখল কৰে।

Share This